uسعودی فلم ھجان عرب فلم ایوارڈز کی چھ کیٹیگریز کے لیے نامزد

…ریاض (اُردو پوائنٹ اخبارتازہ ترین - آن لائن۔ 28 اپریل2024ء) مصر کے فلمساز ابوبکر شوقی کی ہدایت کاری میں سعودی عرب میں بننے والی فلم ھجان کو عرب فلموں کے آٹھویں ناقدین ایوارڈز میں چھ کیٹیگریز کے لیے نامزد کیا گیا ہے۔عرب نیوز کے مطابق بہترین فیچر فلم، بہترین سکرین پلے، بہترین اداکار، بہترین موسیقی، بہترین سنیماٹوگرافی اور بہترین ایڈیٹنگ کیٹیگریز کے مقابلوں میں فلم ھجان شامل ہے۔

یہ فلم مملکت کے کنگ عبدالعزیز سنٹر فار ورلڈ کلچر اثرا سنٹر اور مصری پروڈیوسر محمد حفظی کے فلم کلینک کی مشترکہ پروڈکشن ہے۔فلم کی کہانی مصر کے عمر شمع اور مملکت کے مفرج المجفل کی مشترکہ کاوش ہے۔ اس میں سعودی اداکار عبدالمحسن النمر، ابراہیم الحساوی سمیت دیگر اداکاروں نے حصہ لیا ہے۔

(جاری ہے)

سالانہ کانز فلم فیسٹیول کے موقع پرعرب سینما سینٹر نے قاہرہ میں 18مئی کو فلم ایوارڈز کی تقریب کا اہتمام کیا ہے۔

72 ممالک کی نمائندگی کرنے والے 209 نقادوں کے پینل نے فلم کے لیے ایوارڈز کا جائزہ لیا ہے۔سوڈانی ہدایت کار محمد کردفانی کی افتتاحی فیچر فلم، وداعا جولیا اور تیونس کی فلمساز کوثر بن ھانیہ کی آسکر کے لیے نامزد کردہ دستاویزی فلم فور ڈاٹرز نے سات کیٹیگریز میں نامزدگی حاصل کی ہے۔اردنی فلمساز امجد الرشید کی ان شااللہ ولد اور فلسطینی ۔ برطانوی ہدایت کارہ اور فلم رائٹر فرح نابلسی کی فلم الاستاذ کی چھ نامزدگیاں شامل ہیں۔