گوگل کا پاکستان میں 50 اسمارٹ اسکول قائم کرنے کا منصوبہ

اسمارٹ اسکولز میں 30 ہزارگوگل فارایجوکیشن آئی ڈیزشامل ہوں گی،رپورٹ

بدھ 1 مئی 2024 16:05

گوگل کا پاکستان میں 50 اسمارٹ اسکول قائم کرنے کا منصوبہ

نیویارک(اُردو پوائنٹ اخبارتازہ ترین - این این آئی۔ 01 مئی2024ء) گوگل نے اسلام آباد میں 50 اسمارٹ اسکول قائم کرنے کا اعلان کردیا۔غیرملکی خبررساں ادارے کے مطابق اسمارٹ اسکولز 30 ہزار گوگل فارایجوکیشن آئی ڈیز سے لیس ہوں گے، جن میں آرٹیفیشل انٹیلی جنس (اے آئی)اور بہتر تعاون اور پیداواری صلاحیت کے لیے ڈیجیٹل ٹولز جیسی خصوصیات شامل ہوں گی۔

(جاری ہے)

گوگل فار ایجوکیشن ٹیم نے اپنے مقامی پارٹنر ٹیک ویلی کے ہمراہ سیکریٹری تعلیم سے ملاقات کی اور حکومت کو پاکستان کے تعلیمی شعبے کے لیے آنے والے منصوبے پیش کیے۔

ملاقات کے دوران کئی دیگر اقدامات پر بھی تبادلہ خیال کیا گیا۔ملاقات کے دوران گوگل فار ایجوکیشن ٹولز پر اساتذہ کی ورکشاپس، پبلک گوگل ریفرنس اسکول کا قیام سمیت 2 ہزار نوجوانوں کو گوگل کیرئیر سرٹیفکیٹس کے ذریعے ملازمت دینے کے امور پر زیر بحث آئے۔