پشاور سمیت خیبر پختونخوا میں مطلع ابرآلود رہے گا، محکمہ موسمیات

آئندہ چوبیس گھنٹوں کے صوبے کے بیشتر اضلاع میں چند ایک مقامات پر گرج چمک اور ہواوں کے ساتھ بارش کی پیش گوئی

ہفتہ 11 مئی 2024 19:10

پشاور(اُردو پوائنٹ اخبارتازہ ترین - این این آئی۔ 11 مئی2024ء) محکمہ موسمیات نے کہا ہے کہ پشاور سمیت خیبر پختونخوا میں مطلع ابرآلود رہے گا،آئندہ چوبیس گھنٹوں کے صوبے کے بیشتر اضلاع میں چند ایک مقامات پر گرج چمک اور ہواوں کے ساتھ بارش کی پیش گوئی کی ہے۔محکمہ موسمیات کے مطابق خیبر پختونخوا کے بیشتر اضلاع میں مطلع ابرآلود رہے گا۔

(جاری ہے)

آئندہ چوبیس گھنٹوں کے دوران پشاور ، نوشہرہ ، چارسدہ ، مردان ، صوابی ،چترال ،دیر ، باجوڑ ، بونیر ، مالاکنڈ ، سوات،شانگلہ ، کوہستان ، بٹگرام ، تورغر ، ایبٹ آباد ، ہری پور، خیبر ، ہنگو ، کوہاٹ ، مہمند ، کرک ، بنوں ، لکی مروت، ٹانک ، کرم ، ڈی آئی خان ، جنوبی و شمالی وزیر ستان میں بھی گرچ چمک کے ساتھ بارش کا امکان ہے۔

گذشتہ رو زبنوں سوات ، چترال ، دیر ، بونیر ، پشاور ، نوشہرہ ، ڈی آئی خان میں بھی گذشتہ روز بارش ہوئی۔ گذشتہ روز سب سے زیادہ بارش بنوں میں 23 ملی میٹر ریکارڈ ہوئی۔ مالم جبہ میں 8 اور سید و شریف میں 4 جبکہ چترال میں 3 ، دیر میں 2 ملی میٹر بارش ریکارڈ ہوئی۔ پشاور کا کم سے کم درجہ حرارت 25 ڈگری سینٹی گریڈ ریکارڈ کیا گیا۔۔گذشتہ روز سب سے کم درجہ حرارت مالم جبہ میں 9 ڈگری سینٹی گریڈ ریکارڈ کیا گیا۔