ملک بھر میں سونے کی قیمت میں 2,900 روپے اضافہ ریکارڈ کیا گیا

بدھ 15 مئی 2024 20:31

اسلام آباد (اُردو پوائنٹ اخبارتازہ ترین - اے پی پی۔ 15 مئی2024ء) ملک بھر میں سونے کی قیمت 2,900 روپے اضافہ کے ساتھ فی تولہ سونا کی قیمت 2 لاکھ 44 ہزار روپے ہوگئی ۔

(جاری ہے)

آل پاکستان جیمز اینڈ جیولرز ایسوسی ایشن کے مطابق سونے کی فی تولہ قیمت میں 2,900 روپے اضافہ کے بعد فی تولہ سونا 2 لاکھ 44 ہزار روپے کا ہو گیا ہے جبکہ 24 قیراط سونے کے 10 گرام کی قیمت بھی 2,487 روپے کے اضافے سے 206,790 روپے سے بڑھ کر209,191 روپے ہوگئی، 10 گرام 22 قیراط سونے کی قیمت 189,479 روپے سے بڑھ کر 191,758 روپے ہوگئی۔

آل سندھ صرافہ جیولرز ایسوسی ایشن نے رپورٹ کیا کہ فی تولہ اور دس گرام چاندی کی قیمت بالترتیب 2650 روپے اور 2271.94 روپے پر مستحکم رہی۔ ایسوسی ایشن نے رپورٹ کیا کہ بین الاقوامی مارکیٹ میں سونے کی قیمت 2,337 ڈالر سے بڑھ کر 2,365 ڈالر ہو گئی۔