آئین میں ڈپٹی پرائم منسٹر کا کوئی عہدہ نہیں‘ عہدے پر تعیناتی سے اسحاق ڈارکو 90 لاکھ روپے ماہانہ کی مراعات ملیں گی.وکیل کے سندھ ہائی کورٹ میں دلائل
سندھ ہائی کورٹ میں سینیٹر اسحاق ڈار کو نائب وزیر اعظم بنانے کے خلاف درخواست کی سماعت ‘درخواست گزار وکیل طارق منصور کی عدالت میں پیشی‘ عدالت نے سیکرٹری کیبنٹ ڈویژن، وزیراعظم سیکرٹریٹ ، سیکرٹری جنرل قومی اسمبلی کو نوٹس جاری کرتے ہوئے 30 مئی تک جواب طلب کرلیا
میاں محمد ندیم جمعرات 16 مئی 2024 15:13
(جاری ہے)
سندھ ہائی کورٹ میں سینیٹر اسحاق ڈار کو نائب وزیر اعظم بنانے کے خلاف درخواست کی سماعت ہوئی، درخواست گزار کے وکیل طارق منصور عدالت میں پیش ہوئے دوران سماعت چیف جسٹس سندھ ہائی کورٹ نے استفسار کیا کہ درخواست کے قابل سماعت ہونے پر دلائل کا کہا تھا، اس پر کیا نوٹس ہوچکے ہیں؟ اس پر وکیل درخواست گزار نے جواب دیا کہ نہیں ابھی درخواست کے قابل سماعت ہونے پر دلائل دینے کا کہا تھا، نوٹس نہیں ہوئے.
نجی ٹی وی کے مطابق درخواست گزاروکیل نے کہا کہ آئین میں ڈپٹی پرائم منسٹر کا کوئی عہدہ نہیں ہے، چیف جسٹس سندھ ہائی کورٹ نے استفسار کیا کہ ان کو تنخواہ کیا ملے گی؟ مراعات کیا ملیں گی؟ درخواست گزار نے کہا کہ ان کو 90 لاکھ روپے کے برابر مراعات ملیں گی چیف جسٹس سندھ ہائی کورٹ نے ریمارکس دیے کہ وزیر اعظم نے اس لیے نائب رکھا ہے کہ اگر میرا تختہ الٹا جائے تو میرے پیچھے معاملات دیکھنے والا کوئی ہو، آج کل ویسے بھی اس طرح کے خدشات تو ہیں. چیف جسٹس سندھ ہائی کورٹ نے وکیل سے مکالمہ کیا کہ منع کرنے کے باوجود آپ بولے جارہے ہیں، گھر پر اتنا بول سکتے ہیں، وکیل درخواست گزار نے کہا کہ آئین میں وزیر اعظم اور نگران وزیراعظم کے عہدے کے علاوہ ایسا کوئی عہدہ نہیں ہے وفاقی حکومت کے وکیل نے موقف اپنایا کہ لاہور ہائی کورٹ نے ایسی ہی درخواست آج مسترد کردی ہے فریقین کے دلائل سننے کے بعد سندھ ہائی کورٹ نے درخواست کے قابل سماعت ہونے کے حوالے سے سیکرٹری کیبنٹ ڈویژن، وزیراعظم سیکرٹریٹ ، سیکرٹری جنرل قومی اسمبلی کو نوٹس جاری کرتے ہوئے 30 مئی تک جواب طلب کرلیا.مزید اہم خبریں
-
وفاقی حکومت فیڈریشن کے خلاف سازش کررہی ہے
-
عمران خان کیا کر رہا ہے کیا نہیں کر رہا اسے چھوڑیں اور اپنے کام پر دھیان دیں
-
اسٹاک مارکیٹ بدترین مندی کی زد میں
-
نوازشریف اور زرداری سے بات تب ہوگی جب ہمارا چوری مینڈیٹ واپس کریں گے
-
موسمیاتی بحران کے جہنم سے نکلنے کا راستہ موجود، گوتیرش
-
ضمانت ملنے کے بعد صنم جاوید کو دوبارہ گرفتار کر لیا گیا
-
عمران خان عام قیدی نہیں، ملک کی بڑی سیاسی جماعت کے سربراہ ہیں
-
پنجاب حکومت کی بزرگ اور خواتین قیدیوں کیلئے عید پر سزاؤں میں کمی کی بڑی خوشخبری
-
دنیا کے اٹھارہ مقامات پر خوارک کی شدید قلت، یو این اداروں کا انتباہ
-
جرمن عوام کی اکثریت غزہ میں اسرائیلی فوجی کارروائیوں کے خلاف
-
اسرائیلی فوج نے وسطی غزہ میں نئی زمینی کارروائی شروع کر دی
-
ماہ ذی الحج کے چاند کی پیدائش کا وقت اور تاریخ بتا دی گئی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.