وزیر اعلیٰ پنجاب کے گورننس بہتری کے اقدامات,ڈپٹی کمشنر(انیشی ایٹوز) پر ناقص کارکردگی کا مظاہرہ کرنے والے محکموں کے افسران کو تنبیہہ جاری,

گوجرانوالہ 16 مئی (اے پی پی) (اُردو پوائنٹ اخبارتازہ ترین - اے پی پی۔ 16 مئی2024ء) بنیادی کارکردگی اعشاریوں اور وزیر اعلیٰ پنجاب مریم نواز شریف کے گورننس بہتری کے اقدامات (انیشی ایٹوز) پر ناقص کارکردگی کا مظاہرہ کرنے والے محکموں کے افسران کو تنبیہہ جاری، کارکردگی بہتر نہ بنانے پر ضلع بدر، پیڈا ایکٹ کے تحت کاروائی بھی عمل میں لائی جائے گی۔

ڈپٹی کمشنر محمد طارق قریشی نے کے پی آئیز و وزیر اعلیٰ پنجاب کے گورننس بہتری کے اقدامات بارے منعقدہ اجلاس سے خطاب میں اظہار خیال کیا جس کے دوران انہوں نے کہا کہ حکومت پنجاب نےپر فارمنس انڈیکیٹرز (کے پی آئیز) ضلع کی کارکردگی کو جانچنے و پرکھنے کیلیے بنیادی کارکردگی اعشاریے مقرر کئے ہیں جس میں نان روٹی کی قیمت، ستھرا پنجاب مہم، ترقیاتی منصوبوں کے دورے، میرج ایکٹ، پلاسٹک بیگز پر پابندی، تجاوزات،وال چاکنگ، جعلی ادویات، مراکز صحت کی صفائی ستھرائی، ٹری پلانٹیشن ڈرینز و سیوریج لائنز کی صفائی، زراعت، سموگ، پرائس کنٹرول، ہیلتھ، ایجوکیشن سروسز، جیسے انڈیکیٹرز شامل ہیں۔

(جاری ہے)

پرائس کنٹرول مجسٹریٹس کی کارکردگی کے حوالے سے رپورٹ میں بتایا گیا کہ یکم مئی سے اب تک 27 ہزار 617 چھاپہ مار کاروائیاں کی گئیں، ان کاروائیوں کے دوران 522 خلاف ورزیاں پائی گئیں، خلاف ورزی کے مرتکب افراد کو 21 لاکھ 9 ہزار 5 سو روپے کے جرمانے عائد کیے گئے،1فرد کے خلاف متعلقہ تھانہ میں مقدمہ کا اندراج، 36 دوکانیں سیل، 50 افراد کو حوالہ پولیس کیا گیا۔

وزیر اعلی پنجاب کی خصوصی ہدایت پر نان روٹی کی حکومتی نرخوں پر دستیابی کو یقینی بنانے کے لیے بھی پرائس کنٹرول مجسٹریٹس کی جانب سے کاروائیاں کی گئیں، یکم اپریل سے اب تک مجموعی طور پر ضلع بھر کے پرائس کنٹرول مجسٹریٹس کی جانب سے 1186 کاروائیاں کی گئیں، 74 خلاف ورزیوں پر 2 لاکھ 39 ہزار 5 سو روپے جرمانہ عائد کیا گیا،3دوکانیں سیل اور 8 دوکانداروں کو حوالہ پولیس کیا گیا۔

اس کے علاوہ ضلعی انتظامیہ کی جانب سے ملاوٹ مافیہ کے خلاف بھی کاروائیاں کی جا رہی ہیں، 15 اپریل سے 10مئی کی رپورٹ کے مطابق ضلعی گوجرانوالہ و وزیرآباد میں مجموعی طور پر 2 ہزار 5 سو 6 چھاپہ مار کاروائیاں کی گئیں، ان کاروائیوں کے دوران خلاف ورزی کرنے والے 239 افراد کو، جرمانے عائد، سزائیں دی گئیں۔ محکمہ صحت کی جانب سے جعلی ادویات فروخت کرنے والوں کے خلاف کاروائیوں کا سلسلہ جاری، یکم اپریل سے اب تک ضلع گوجرانوالہ و وزیرآباد میں 188 میڈیکل سٹورز پر چھاپہ مار کاروائیاں عمل میں لائی گئیں، ان کاروائیوں کے دوران خلاف ورزی کرنے والے 36 افراد کو جرمانہ و سزائیں دی گئیں۔

اسی طرح محکمہ صحت کی جانب سے عطائی ڈاکٹروں کے خلاف بھی 3210 چھاپہ مار کاروائیاں کی گیئں ان کاروائیوں کے نتیجے میں 82 عطائی ڈاکٹرز کے خلاف کاروائی کی گئی اور 35 کلینکس کو موقع پر سیل کیا گیا۔اس کے علاوہ ہیلتھ فسیلیٹیز میں صفائی ستھرائی کو یقینی بنانے کے حوالے سے بھی کام کیا جا رہا ہے، 29 اپریل سے 4 مئی کی رپورٹ کے مطابق تمام بنیادی مراکز صحت، دیہی مراکز صحت، تحصیل ہیڈ کوارٹرز و ڈی ایچ کیو میں صفائی کے نظام کو 100 فیصد یقینی بنایا گیا۔

محکمہ زراعت کی جانب سے بریفنگ دیتے ہوئے بتایا گیا کہ جعلی زرعی ادویات و کیڑے مار سپرے فروخت کرنے والوں کے خلاف 61ڈیلر شاپس و گوداموں پر چھاپہ مار کاروائی کی گئی ان کاروائیوں کے نتیجے میں خلاف ورزی کرنے والے 1ڈیلڑ شاپ کے خلاف مقدمہ کا اندراج کروایا گیا۔حکومت پنجاب کی جاری مہم "موسم بہار ٹری پلانٹیشن "کو بھی پذیرائی دی جا رہی ہے،ضلع گوجرانوالہ و وزیرآباد میں 5مئی سے اب تک مختلف محکموں کے جانب سے مختلف مقامات پر 8ہزار8سو74موسمی،پھلدار و پھولدار پودے لگائے جا چکے ہیں،اس مہم کو کامیاب بنانے کے لیے مزید پودے لگائے جائیں گے جس پر اقدات مزید تیز کیے جا رہے ہیں۔

ڈپٹی کمشنر محمد طارق قریشی نے منعقدہ اجلاس سے خطاب کرتے ہوئے کہا کہ سب کو مل کر کام کرنا ہوگا، جو نہیں کرے گا اسے ضلع سے سرنڈر، پیڈا ایکٹ کے تحت کارروائی بھی عمل لائی جائے گی۔ ڈپٹی کمشنر نے کہا کہ حکومت پنجاب کی طرف سے جو کارکردگی اعشاریے مقرر کیے گئے ہیں ان پر بھرپور توجہ دیجائے تمام محکمے اپنے اعشاریوں کو بہتر بنانے کے لیے اقدامات بروئے کار لائیں۔

ڈپٹی کمشنر نے کہا ہے کہ بزنس کمیونٹی اور تاجر برادری پلاسٹک بیگز کی روک تھام میں حکومت پنجاب اور ضلعی انتظامیہ گوجرانوالہ کا ساتھ دیں، بڑے شاپنگ مالز، دوکانوں اور مارکیٹوں میں نمایاں جگہ پر فلیکسس آویزاں کریں جس میں سنگ ہینڈ یوز کے ماحول کو ہونے والے نقصانات اور متبادل بارے آگاہی ہو۔ 6 جون 2024 کے بعد خلاف ورزی کرنے والوں کے خلاف بلاتفریق فوری ایکشن لیا جائے گا۔