توڑ پھوڑ کا مقدمہ ، فواد چودھری جے آئی ٹی کے سامنے پیش ، آج پھر طلب

جمعہ 17 مئی 2024 19:53

لاہور (اُردو پوائنٹ اخبارتازہ ترین - این این آئی۔ 17 مئی2024ء) سابق وفاقی وزیر فواد چودھری توڑ پھوڑ کے مقدمے میں تفتیش کے لئے جوائنٹ انویسٹی گیشن ٹیم کے سامنے پیش ہوگئے۔پولیس ذرائع کے مطابق تھانہ ریس کورس میں درج مقدمات کی تفتیش کے لیے جے آئی ٹی نے فواد چودھری کو طلب کیا تھا، جے آئی ٹی کے ممبران پور ے نہ ہونے پر فواد چودھری کو جے آئی ٹی نے آج ( ہفتہ ) پھر بلا لیا۔

(جاری ہے)

اس موقع پر سابق وزیر فواد چودھری کا کہنا تھا کہ لاہور میں 8مقدمات کی تفتیش مکمل ہو گئی، اب نئے مقدمات میں بھی مجھے بلا لیا گیا،دوسری پارٹیوں اور پی ٹی آئی میں بھی کچھ لوگوں کو کھلی چھوٹ ملی ہوئی ہے،میں ٹویٹ بھی کروں تو دو نئے مقدمات مجھے پر درج ہو جاتے ہیں۔انہوں نے کہا کہ اسلام آباد اور لاہور میں کل 47مقدمات میرے اوپر درج ہیں، اب نئے مقدمات میں مجھے نامزد کر کے بلایا جا رہا ہے، جے آئی ٹی کی ٹیم نے تفتیش پہلے ہی مکمل کی ہوئی ہے۔فواد چودھری کا مزید کہنا تھا کہ میرے جوابات سے جے آئی ٹی مطمئن نہیں ہو رہی ہے،اس لیے مجھے آج پھر بلا لیا گیا ہے۔