سعودی ولی عہد اور صدر یو اے ای کی اعلی سطحی ملاقات

ملاقات میں خطے کی صورتحال سمیت دیگر معاملات پر بھی گفتگو

ہفتہ 18 مئی 2024 17:44

سعودی ولی عہد اور صدر یو اے ای کی اعلی سطحی ملاقات

ریاض(اُردو پوائنٹ اخبارتازہ ترین - این این آئی۔ 18 مئی2024ء) سعودی ولی عہد و وزیراعظم شہزادہ محمد بن سلمان سے متحدہ عرب امارات کے صدر شیخ زید بن ال نہیان نے ملاقات کی ہے۔غیرملکی خبررساں ادارے کے مطابق سعودی عرب کے مشرقی صوبے میں واقع عزیزیہ پیلس میں ہونے والی اس اعلی سطحی ملاقات میں دونوں رہنماں نے گہرے تعلقات اور اسٹریٹجک تعاون پر تبادلہ خیال کیا۔

اس ملاقات میں خطے کی صورتحال سمیت دیگر معاملات پر بھی گفتگو کی گئی۔

(جاری ہے)

متحدہ عرب امارات کے صدر کے مشیر ڈاکٹر انور گرگاش نے کہا کہ صدر شیخ زید بن ال نہیان کا دورہ سعودی عرب اور سعودی ولی عہد کے ساتھ ان کی بات چیت سعودی عرب کے ساتھ مواصلات، تعاون، خطے کی خوشحالی، استحکام اور سلامتی کی تصدیق ہے۔انہوں نے اپنے سوشل میڈیا اکانٹ پر اس حوالے سے لکھا کہ شیخ محمد بن زاید اور شہزادہ محمد بن سلمان کے درمیان ملاقات اس بات کو تقویت دیتی ہے کہ سعودی عرب کے ساتھ جاری رابطے، تعاون اور انضمام ہمارے خطے کی خوشحالی، استحکام اور سلامتی کے لیے ضروری ہے۔ ترقی اور جدیدیت پر اس طرح کی قیادت کے اجلاسوں سے ہمارے لوگوں اور قوموں کو بہت فائدہ ہوتا ہے۔