qسعودی حکومت کا 24 مئی سے عمرہ پرمٹ اجرا بند کرنے کا اعلان

ظ*24 مئی سے بند کیے جانے والا پرمٹ کا اطلاق 20 ذوالحجہ تک رہے گا،وزارت حج وعمرہ

اتوار 19 مئی 2024 18:30

2ریاض(اُردو پوائنٹ اخبارتازہ ترین - آن لائن۔ 19 مئی2024ء) سعودی حکومت نے کہا ہے کہ 24 مئی 2024 سے عمرہ پرمٹ کا اجرا بند کردیا جائے گا۔غیرملکی خبررساں ادارے کے مطابق سعودی وزارت حج و عمرہ کی جانب سے جاری کردہ بیان میں کہا گیا کہ 24 مئی سے بند کیے جانے والا پرمٹ کا اطلاق 20 ذوالحجہ تک رہے گا۔ صرف حج پرمٹ رکھنے والوں کو ہی مکہ جانے کی اجازت ہو گی۔

(جاری ہے)

وزارت کا کہنا تھا کہ حج سیزن کے حوالے سے عازمین کو ہر ممکن سہولت فراہم کرنے کے لیے اندرون مملکت سے مکہ مکرمہ ا?نے والوں کے لیے پرمٹ لازمی قرار دیا گیا ہے۔

وزارت حج کے مطابق پرمٹ کے بغیر صرف وہ غیر ملکی ان دنوں مکہ مکرمہ جاسکتے ہیں جن کا اقامہ مکہ مکرمہ شہر سے جاری کیا گیا ہے۔خیال رہے کہ رواں سال وزارت داخلہ نے پہلے ہی اس بات کا اعلان کیا جا چکا ہے کہ بغیر پرمٹ جو بھی مکہ مکرمہ، حرمین ریلوے اسٹیشن یا مکہ کے دیگر علاقوں، حج کے مقامات پر نظر آئے گا، اس پر 10 ہزار ریال جرمانہ عائد کیا جائے گا۔