سید حسن مرتضی کی پارٹی وفد کے ہمراہ قائمقام ایرانی قونصل جنرل سے صدر سید ابرہیم رئیسی کے انتقال پر اظہار تعزیت

منگل 21 مئی 2024 22:40

لاہور (اُردو پوائنٹ اخبارتازہ ترین - اے پی پی۔ 21 مئی2024ء) پاکستان پیپلز پارٹی وسطی پنجاب کے جنرل سیکرٹری سید حسن مرتضی نے پارٹی وفد کے ہمراہ ایرانی قونصلیٹ لاہور میں قائمقام ایرانی قونصل جنرل علی اصغر مغاری سے ایرانی صدر سید ابرہیم رئیسی اور وزیر خارجہ کے انتقال پر اظہار تعزیت کیااور مہمانوں کی کتاب میں تعزیتی تاثرات درج کیے۔

(جاری ہے)

ترجمان کے مطابق پارٹی وفد میں سیکرٹری ریکارڈز اینڈ ایونٹس احسن رضوی، حسین ترمذی، ڈاکٹر امتیاز شیرازی اور آفتاب لیل شامل تھے۔

اس موقع پر اپنے تاثرات قلمبند کرتے ہوئے سید حسن مرتضی نے کہا کہ ایران کے صدر ابراہیم رئیسی دنیا اسلام کے عظیم مجاہد اور انقلابی رہنما تھے،ان کی شہادت پر ایرانی قوم سے اظہارِ تعزیت کرتے ہیں۔انہوں نے کہا کہ ایرانی صدر کی وفات پر پوری پاکستانی قوم غمزدہ ہے اور پیپلز پارٹی ایرانی بھائیوں اور بہنوں کے غم میں برابر کی شریک ہے۔ پوری پاکستانی قوم کی ہمدردیاں ایرانی بھائیوں کے ساتھ ہیں۔اللہ تعالی مرحومین کی مغفرت فرمائے۔