کاشتکار موتیے کی بہتر نشو ونما کے لئے کھادوں کا بروقت استعمال کریں ، ریسرچ انفارمیشن یونٹ آری

جمعہ 24 مئی 2024 15:25

فیصل آباد (اُردو پوائنٹ اخبارتازہ ترین - اے پی پی۔ 24 مئی2024ء) فیصل آبادکے ریسرچ انفارمیشن یونٹ آری نے موتیے کی بہتر نشو ونما کیلئے کاشتکاروں کو کھادوں کے بروقت استعمال کی ہدایت کی ہے ۔ ترجمان کے مطابق موتیا ایک سدا بہار جھاڑی نما پودا ہے جس پر سفید رنگ کے انتہائی دلکش، خوشبودار پھول گچھوں کی شکل میں اگتے ہیں۔

(جاری ہے)

انہوں نے بتایاکہ موتیا کی ایک خصوصیت یہ بھی ہے کہ اس کے پھول رات کو کھلتے اور صبح کو بند ہو جاتے ہیں۔

انہوں نے کہاکہ موتیے کی بڑھوتری کیلئے کاشت کے ابتدائی مراحل میں اسے پانی کی کافی مقدار درکار ہوتی ہے۔ انہوں نے کہاکہ گرمیوں میں موسم کی مناسبت سے موتیے کو حسب ضرورت پانی دیکر سردیوں میں اسے خشک ہونے سے بچایاجاسکتاہے۔ انہوں نے کہاکہ کاشتکار موتیے کو پانی دیتے وقت اس کی بہتر نشو ونما کے لئے کھادوں کا متناسب استعمال بھی یقینی بنائیں۔