پنجاب بھر کے سکولوں میں (کل )سے گرمیوں کی تعطیلات کا آغاز

جمعہ 24 مئی 2024 17:17

لاہور (اُردو پوائنٹ اخبارتازہ ترین - این این آئی۔ 24 مئی2024ء) صوبائی دارالحکومت لاہور سمیت پنجاب بھر کے سکولوں میں گرمیوں کی تعطیلات کا آغاز کل ( ہفتہ ) سے ہو گیا،اب تعلیمی ادارے 15اگست سے دوبارہ کھلیں گے،آخری روز بچوں نے گلے مل کر ایک دوسرے کو الودع کیا۔تفصیلات کے مطابق محکمہ تعلیم پنجاب نے صوبے میں گرمی کی شدید لہر کے باعث 25مئی سے سکولوں میں تعطیلات کا اعلان کیا تھا ۔

اب تعلیمی ادارے نصابی سرگرمیوں کے لئے دوبار 15اگست سے کھلیں گے جبکہ حکومتی احکامات کے مطابق 31مئی تک سکولوں میں صرف پیپرز لینے کی اجازت ہوگی۔

(جاری ہے)

آخری روز بچے نے گلے مل کر ایک دوسرے کو الودع کیا۔طلبا کا کہنا تھا کہ تعطیلات کی بہت خوشی ہے،چھٹیوں کا کام ہم جلد مکمل کرکے سیر وتفریح اور رشتے داروں کے گھر جائیں گے۔گرمی کی شدت کے باعث حکومت کا جلد چھٹیوں کا اعلان خوش آئند ہے۔

اساتذہ کا کہنا ہے کہ چھٹیوں کے دوران بچوں کو آرام کرنے کے ساتھ معلوماتی کتابوں کے مطالعہ سے علوم حاصل کرنے کے زیادہ مواقع میسر آئیں گے۔موسم گرما کی تعطیلات کے حوالے سے جاری ایس او پیز پر عملدرآمد کرنا تمام سکولوں کی ذمے ہوگا،ایس اوپیز کیخلاف پیپرز لینے اور سکول کھولنے والے اداروں کو بھاری جرمانہ یا سکول سیل کردیا جائے گا۔