ٹرمپ پرحملے کے بعد مسک کی آئرن مین سوٹ تیارکرنے کی خواہش

میری زندگی پر گزشتہ آٹھ ماہ کے دوران دو حملے ہوچکے ہیں،ایلون مسک کا انکشاف

منگل 16 جولائی 2024 14:22

ٹرمپ پرحملے کے بعد مسک کی آئرن مین سوٹ تیارکرنے کی خواہش

نیویارک(اُردو پوائنٹ اخبارتازہ ترین - این این آئی۔ 16 جولائی2024ء) سابق امریکی صدر ڈونلڈ ٹرمپ پر ہونے والے قاتلانہ حملے کے بعد ٹیک ٹائیکون ایلون مسک نے آئرن مین اسٹائل کا دھاتی آرمر سوٹ تیار کرنے کی خواہش کا اظہار کردیا۔ غیرملکی خبررساں ادارے کے مطابق دنیا کے امیر ترین شخصیات میں شامل ٹیسلا اور اسپیس ایکس کے بانی نے یہ بھی انکشاف کیا کہ ان کی اپنی زندگی پر گزشتہ آٹھ ماہ کے دوران دو حملے ہوچکے ہیں۔

(جاری ہے)

53 سالہ ایلون مسک نے ایکس (سابق ٹوئٹر)پر لکھا، ہوسکتا ہے کہ وقت آگیا فلائنگ میٹل سوٹ آف آرمر تیار کیا جائے۔ انکا یہ تبصرہ اور ٹرمپ کے 2024 کی صدارت کیلیے حمایت کی پیشکش پہلی بار اتوار کو اس وقت سامنے آئی جب ٹرمپ پر قاتلانہ حملے کی کوشش کی گئی۔ایلون مسک نے امریکا پی اے سی کو ایک غیر اعلانیہ رقم پر مبنی چندہ بھی دیا،امریکی اخبار کی رپورٹ کے مطابق امریکا پی اے سی ایک سیاسی ایکشن کمیٹی ہے جو کہ ٹرمپ کو دوبارہ منتخب کرانے کے لیے کام کر رہی ہے۔ا یلون مسک کی جانب سے ڈونلڈ ٹرمپ کی پبلک انڈورسمنٹ (عوامی حمایت)پر کچھ ایکس یوزرز نے انھیں اپنی سیکیورٹی بڑھانے کا مشورہ دیا ہے۔