سابق رکن قومی اسمبلی علی وزیر کی گاڑی سے ٹکرا کر موٹر سائیکل سوار زخمی

پولیس نے علی وزیر کو حراست میں لے کر تھانے منتقل کر دیا ہے‘سابق ایم این اے کے کزن کا دعوی

ہفتہ 3 اگست 2024 12:52

اسلام آباد (اُردو پوائنٹ اخبارتازہ ترین - این این آئی۔ 03 اگست2024ء) اسلام آباد میں سابق رکن قومی اسمبلی علی وزیر کی گاڑی سے ٹکرا کر موٹر سائیکل سوار زخمی ہو گیا۔وفاقی دارالحکومت میں زیرو پوائنٹ کے قریب سابق ایم این اے علی وزیر کی گاڑی سے موٹر سائیکل ٹکرا گئی۔

(جاری ہے)

ذرائع کے مطابق حادثے میں زخمی موٹرسائیکل سوار کو پمز اسپتال منتقل کر دیا ۔سابق رکن قومی اسمبلی کے کزن کا کہنا ہے کہ پولیس نے علی وزیر کو حراست میں لے کر تھانے منتقل کر دیا ہے۔خیال رہے علی وزیر 2018 سے 2023 تک خیبر پختونخوا سے رکن قومی اسمبلی منتخب ہوئے تھے اور اس دوران بھی وہ متعدد بار گرفتار ہوئے تھے۔