خرم اسلم بٹ کی جانب سے شیخ ریاض الدین کے اعزاز میں ظہرانہ

منگل 13 اگست 2024 15:56

سیالکوٹ (اُردو پوائنٹ اخبارتازہ ترین - اے پی پی۔ 13 اگست2024ء) سابق چیئرمین پاکستان سپورٹس گڈز مینوفیکچررز اینڈ ایکسپورٹرز ایسوسی ایشن اور سابق سینئر نائب صدر سیالکوٹ چیمبر آف کامرس اینڈ انڈسٹری خرم اسلم بٹ کی طرف سے بزنس کمیونٹی اتحاد فاؤنڈر گروپ ایس سی سی آئی کے رہنما شیخ ریاض الدین کے اعزاز میں ظہرانہ کا اہتمام کیا گیا۔

(جاری ہے)

تقریب میں انکی آمد پر سابق چیئرمین پاکستان سپورٹس گڈز مینوفیکچررز اینڈ ایکسپورٹرز ایسوسی ایشن (پی ایس ایم جی ایم اے) اور سابق نائب صدر سیالکوٹ چیمبر آف کامرس اینڈ انڈسٹری خرم اسلم بٹ نے اپنے ساتھیوں کے ہمراہ انکا پرتپاک استقبال کیا اور انہیں گلدستے پیش کیے۔

تقریب میں سیالکوٹ کی تاجر برادری کے دوستوں کے ہمراہ جنرل سیکرٹری چیمبر آف کامرس اتحاد فاؤنڈر گروپ و صدر سیالکوٹ چیمبر آف سمال ٹریڈرز اینڈ سمال انڈسٹری میاں محمد خلیل، سینئر نائب صدر محمد اعجاز غوری، میاں سعادت علی، بابر جاوید چوہدری، اسد مان سابق وائس چیئرمینز پاکستان سپورٹس گڈز ایسوسی ایشن، قاسم ملک سابق نائب صدر سیالکوٹ چیمبر آف کامرس اینڈ انڈسٹری میاں سلمان، سیٹھ افتخار، گلفام حسن و دیگر بھی اس موقع پر یہاں موجود تھے۔