سیکیورٹی گارڈ اپنے پستول سے گولی چلنے سے جاں بحق

جاں بحق ہونے والے سیکیورٹی گارڈ کے اپنے پستول سے حادثاتی طور پرگولی چل گئی

بدھ 18 ستمبر 2024 16:34

سیکیورٹی گارڈ اپنے پستول سے گولی چلنے سے جاں بحق

کراچی(اُردو پوائنٹ اخبارتازہ ترین - این این آئی۔ 18 ستمبر2024ء) کورنگی گودام چورنگی کے قریب کمپنی میں سیکیورٹی گارڈ اپنے پستول سے حادثاتی طور پر گولی چلنے سے جاں بحق ہوگیا ۔تفصیلات کے مطابق کورنگی کے علاقے گودام چورنگی آئی اے ایریا میں واقعے ایک کمپنی میں فائرنگ سے سیکیورٹی گارڈ جاں بحق ہوگیا۔

(جاری ہے)

پولیس کے مطابق جاں بحق ہونے والے شخص کی شناخت 45 سالہ محمد عاشق ولد محمد نواز کے نام سے کی گئی ، فائرنگ کا واقعہ جاں بحق ہونے والے سیکیورٹی گارڈ کے اپنے پستول سے حادثاتی طور پرگولی چلنے سے پیش آیا۔

جاں بحق ہونے والا سیکیورٹی گارڈ کورنگی کا رہائشی تھا ، متوفی کے ورثا نے پولیس کارروائی کرانے سے انکار کر دیا ، پولیس نے ضابطے کی کارروائی کے بعد لاش ورثا کے حوالے کر دی ، علاقہ پولیس واقعے کی تحقیقات کر رہی ہے ۔