ڈاکٹر اشرف آصف جلالی پر پابندیوں کے خلاف پریس کلب کے سامنے احتجاجی مظاہرہ

اتوار 29 ستمبر 2024 19:40

لاہور(اُردو پوائنٹ اخبارتازہ ترین - این این آئی۔ 29 ستمبر2024ء) تحریک لبیک یا رسول اللہ و تحریک صراط مستقیم ضلع لاہورکے زیر اہتمام ڈاکٹر محمد اشرف آصف جلالی پر مختلف اضلاع میں لگائی گئی پابندیوں کے خلاف لاہور پریس کلب کے سامنے احتجاجی مظاہرہ کیا گیا۔

(جاری ہے)

احتجاجی مظاہرے میں خطاب کرتے ہوئے مولانا محمد صدیق مصحفی جلالی،مولانا محمد فیاض وٹو ،ارشاد احمد حقانی،صاحبزادہ امین اللہ نبیل صاحبزادہ مرتضی علی ہاشمی،قاری فرمان علی حیدری،مولانا محمد حزیفہ جلالی،ڈاکٹر محمد فیاض فرقانی اور مجاہد عبدرسول نے کہا کہ ڈاکٹر محمد اشرف آصف جلالی جیسی علمی اور روحانی شخصیت پر پابندیاں لگانا ملک کی غالب اکثریت اہل سنت کے ساتھ بہت بڑی زیادتی ہے۔

حکومت کی صفوں میں گھسے ہوئے فرقہ پرور عناصر انتشاری سیاست کر رہے ہیں۔ ربیع الاول شریف میںا ہل سنت کے بڑے برے اجتماعات کو عین وقت پر سبوتاثر کرکے اہل سنت کے ساتھ سوتیلی ماں کا سلوک کیا جا رہا ہے۔ڈاکٹر محمد اشرف آصف جلالی جیسے مفکر اسلام اور محب وطن عالم دین پر پابندیاں برداشت نہیں کی جائیں گی۔حکومت فوری طور پر ڈاکٹر جلالی پر لگائی گئی تمام پابندیاں ختم کرئے۔