سائنسدانوں نے دماغ کا پہلا انتہائی مفصل نقشہ تیارکرلیا

جمعرات 3 اکتوبر 2024 11:40

لندن(اُردو پوائنٹ اخبارتازہ ترین - این این آئی۔ 03 اکتوبر2024ء) دماغ کی ساخت کائنات میں سب سے زیادہ حیران کن اور پیچیدہ پہیلیوں میں سے ایک ہے۔ لیکن اب سائنسدانوں کی ایک بین الاقوامی ٹیم نے دماغ کا پہلا نقشہ تیار کیا ہے جس میں ایک بالغ دماغ میں ہر نیورون اور کنکشن کو دکھایا گیا ہے۔

(جاری ہے)

غیرملکی خبرساں ادارے کے مطابق یہ وائرنگ ڈائیگرام فلائی وائر کنسورشیم نے تخلیق کی ہے اور اس حیران کن عکس میں پھلوں پر بیٹھنے والی ایک مکھی کے دماغ میں موجود 139,255 نیورونز میں سے ہر ایک اور ان کے درمیان 50 ملین کنکشن کو دکھایا گیا ہے۔

جب کہ انسانی دماغ میں مکھی کے مقابلے میں تقریبا 10 لاکھ گنا زیادہ نیورون ہوتے ہیں، محققین کے مطابق یہ ہمیں اپنے دماغ کو سمجھنے کے زیادہ قریب لے جاتا ہے۔یونیورسٹی آف کیمبرج کے شریک لیڈر برائے پروجیکٹ ڈاکٹر گریگوری جیفریز کا کہنا ہے کہ دماغ کی وائرنگ ڈائیگرام ہر اس چیز کو سمجھنے کی طرف پہلا قدم ہے جس میں ہماری دلچسپی ہے، جیسے ہم اپنی حرکت کو کیسے کنٹرول کرتے ہیں، ٹیلی فون کا جواب دیتے ہیں یا کسی دوست کو پہچانتے ہیں۔

Facebook Twitter Google + Share on Whatsapp

سائنسدانوں نے دماغ کا پہلا انتہائی مفصل نقشہ تیارکرلیا

متعلقہ عنوان :

مزید بین الاقوامی خبریں