یکطرفہ ضبط کا مرحلہ ختم ہوگیا، ایران

ایران علاقائی جنگ نہیں چاہتا لیکن اس کے لیے اسرائیل کو بازرکھا جائے،بیان

جمعہ 4 اکتوبر 2024 22:19

تہران(اُردو پوائنٹ اخبارتازہ ترین - آن لائن۔ 04 اکتوبر2024ء) ایران نے کہاہے کہ یکطرفہ ضبط کا مرحلہ ختم ہوگیا، کسی بھی اسرائیلی حملے کا غیر روایتی جواب ملے گاایران نے امریکا کو سخت پیغام دیتے ہوئے کہا کہ اس بار اسرائیلی انفراسٹرکچر کو نشانہ بنایا جائے گا۔

(جاری ہے)

عرب میڈیا کے مطابق قطر کے ذریعے بھیجے گئے پیغام میں کہا گیا کہ یک طرفہ تحمل ایران کی قومی سلامتی کی ضرورت پوری نہیں کر رہا۔

پیغام میں مزید کہا گیا کہ ایران علاقائی جنگ نہیں چاہتا لیکن اس کے لیے اسرائیل کو باز رکھا جائے۔واضح رہے کہ ایران نے اقوام متحدہ میں اپنے مشن کے ذریعے اسرائیل کے ساتھ جاری تنازع پر اپنے بیان میں دیگر ممالک کو خبردار کیا ہے کہ وہ اسرائیل کے خلاف تنازع میں خود کو نہ الجھائیں، ورنہ انہیں بھی جائز ہدف سمجھا جائے گا۔