ڈپٹی سپیکر غزالہ گولہ کا سابق سپیکر قومی اسمبلی الہی بخش سومرو کے انتقال پر اظہار افسوس

جمعرات 10 اکتوبر 2024 19:15

کوئٹہ (اُردو پوائنٹ اخبارتازہ ترین - اے پی پی۔ 10 اکتوبر2024ء) ڈپٹی سپیکر بلوچستان اسمبلی غزالہ گولہ نے سابق سپیکر قومی اسمبلی الہی بخش سومرو کے انتقال پر گہرے دکھ اور رنج کا اظہار کیا ہے۔

(جاری ہے)

اپنے جاری کردہ ایک تعزیتی بیان میں ڈپٹی سپیکر بلوچستان اسمبلی نے کہا کہ عوامی خدمت کے لیے مرحوم کے غیر متزلزل عزم اور عوام کی فلاح و بہبود کے لیے انتھک کوششوں کو کبھی نہیں بھولا جائے گا۔ پاکستان کی سیاست میں الہی بخش سومرو صاحب کی عوامی خدمات کے لیے ان کی لگن کو ہمیشہ یاد رکھا جائے گا۔ ان کی قیادت ، دانشمندی اور سیاست نے ہماری قوم کی تاریخ پر انمٹ نشان چھوڑے۔دکھ کی اس گھڑی میں ان کے اہل خانہ اور چاہنے والوں سے دلی تعزیت کا اظہار کرتی ہوں۔