لاہور سمیت پنجاب کے بیشتر علاقوں میں موسم سرد وخشک ر ہے گا ۔محکمہ موسمیات

پیر 2 دسمبر 2024 23:01

لاہور (اُردو پوائنٹ اخبارتازہ ترین - اے پی پی۔ 02 دسمبر2024ء) محکمہ موسمیات نے پیشگوئی کی ہے کہ آئندہ چوبیس گھنٹوں کے دوران صوبائی دارالحکومت لاہور سمیت پنجا ب کے بیشتر اضلاع میں موسم سرد و خشک رہنے کا امکان ہے جبکہ چند میدانی علاقوں میں صبح اور رات کے اوقات میں سموگ اور دھند کے چھائے رہنے کی توقع ہے۔

(جاری ہے)

تر جمان محکمہ موسمیات کے مطابق گزشتہ روز پنجاب کے زیادہ تر علا قے سموگ اورد ھند کی لپیٹ میں رہے تاہم ڈی جی خان میں01 ملی میٹر بارش ریکارڈ کی گئی۔

لاہور میں کم سے کم درجہ حرارت 13 اور زیادہ سے زیادہ 21 سینٹی گریڈ ریکارڈ کیا گیا جبکہ ہوا میں نمی کا تناسب 52 فیصد رہا۔لا ہور میں آلودگی کی مجموعی شرح 172فیصد رہی جبکہ شہر کے مختلف علاقوں میں ایئر کوالٹی انڈ یکس پاور زون 214،یو ایم ٹی 183،پولوگراونڈ 192،یو ایس قونصلیٹ 175،پاکستان انجینئر نگ سو سائٹی 176اور سید مراتب علی روڈ پر166ایئر کوالٹی انڈیکس ریکارڈ کیا گیا ۔