سکولوں میں ہزاروں آئی ٹی اور فزیکل ٹیچرزکا فارغ بیٹھ کر تنخواہیں وصول کرنے کا انکشاف

محکمہ سکول ایجوکیشن نے آفٹرنون ، ایلیمنٹری اورمسجد مکتب سکولوں سے آئی ٹی و فزیکل ٹیچرز کا ڈیٹا طلب کرلیا

بدھ 22 جنوری 2025 20:06

سکولوں میں ہزاروں آئی ٹی اور فزیکل ٹیچرزکا فارغ بیٹھ کر تنخواہیں وصول ..
لاہور (اُردو پوائنٹ اخبارتازہ ترین - این این آئی۔ 22 جنوری2025ء)ہزاروں آئی ٹی اور فزیکل ٹیچرز کا ایلمنٹری سکولوں میں فارغ بیٹھ کر تنخواہیں وصول کرنے کا انکشاف ہوا ہے۔ تفصیلات کے مطابق سکول ایجوکیشن نے آفٹرنون ، ایلیمنٹری اور مسجد مکتب سکولوں سے آئی ٹی و فزیکل ٹیچرز کا ڈیٹا طلب کرلیا۔ مراسلہ کے مطابق گریڈ 14میں کام کرنے والے مذکورہ اساتذہ کا ڈیٹا فی الفور بھیجوایا جائے۔

(جاری ہے)

ڈی پی آئی ایلیمنٹری پنجاب نے لاہور سمیت تمام ایجوکیشن اتھارٹیز کو مراسلہ بھجوا دیا،تمام ایجوکیشن اتھارٹیز کو ایک ہفتے میں ڈیٹا بھجوانے کی ہدایت جاری کر دی۔ ذرائع کے مطابق ڈیٹا اکٹھا کرنے کے بعد مذکورہ اساتذہ کو ایلمنٹری سے ہائی سکول میں ٹرانسفر کردیا جائے گا، تبادلوں کا فیصلہ ایلمنٹری سکولوں میں کمپیوٹر لیب اور پلے گرائونڈ نہ ہونے کے باعث کیا گیا ہے۔

متعلقہ عنوان :