کنٹرولر جنرل آف اکاؤنٹس اسلام آباد کی جانب سے ڈائریکٹوریٹ آف ایف اے بی ایس کے تعاون سے پروجیکٹ سہل کے تربیتی پروگرام کا انعقاد

منگل 8 اپریل 2025 23:25

حیدرآباد(اُردو پوائنٹ اخبارتازہ ترین - آن لائن۔ 08 اپریل2025ء) کنٹرولر جنرل آف اکاؤنٹس اسلام آباد کی جانب سے ڈائریکٹوریٹ آف ایف اے بی ایس (ایم آئی ایس) کے تعاون سے ڈسٹرکٹ اکاو ٴنٹ آفیس حیدرآباد میں پروجیکٹ سہل کے تربیتی پروگرام کا انعقاد کیا گیا، پروگرام سہل کے تحت 07 اپریل سے 12 اپریل تک سندھ کے 5 اضلاع کے سندھ حکومت کے تحت آنے والے سرکاری اداروں کے ڈی ڈی اوز پاور رکھنے والے افسران کو ڈیجیٹلائرڈ طریقہ سے کنٹیجسی بلز جمع کرانے کی تربیت فراہم کی جا رہی ہے، تربیت میں ٹی آر فارم 30 کے تحت جمع ہونے والے بلز کو آن لائن جمع کرنے کے طریقے کار اور نئے ڈیجیٹل سسٹم کو متعارف کرایا جا رہا ہے۔

(جاری ہے)

اس موقع پر ٹیم لیڈ ونگ کمانڈر ریٹائرڈ عامر رسول ابڑو اور ٹیکنیکل فنکشنل کنسلٹنٹ ایس اے پی تاشفین جمشید نے آئے تمام ڈی ڈی اوز اور سپورٹنگ اسٹاف کو نئے آن لائن سسٹم کے تحت ٹریژری آفیس میں ٹی آر فارم 30 کے تحت بلز کو آن لائن جمع کرنے کے متعلق تربیت فراہم کی، اس موقع پر ان کا کہنا تھا کہ اس عمل سے شفافیت اور پیپر فری ماحول کی جانب قدم بڑھایا جا رہا ہے -انہوں نے کہا کہ پروگرام سہل کے تحت سندھ کے پانچ اضلاع جن میں حیدرآباد، جامشورو، ٹنڈو الہیا ر، مٹیاری اور ٹنڈو محمد خان کے سندھ حکومت کے تحت آنے والے سرکاری اداروں کے ڈی ڈی اوز پاور رکھنے والے افسران کو تربیت فراہم کی جا رہی ہے -انہوں نے بتایا کہ اسلام آباد میں اس سسٹم کو کامیابی کے تحت چلایا جا رہا ہے اور اس متعلق سندھ میں یہ تربیتی پروگرام ماہ جنوری سے شروع کیا گیا ہے اور حیدرآباد میں اس ضمن میں تیسرا مرحلہ چل رہا ہی- اس موقع پر ڈسٹرکٹ اکاو ٴنٹ آفیسر سید افتخار علی کا کہنا تھا کہ اس آٹومیشن کے عمل کے بعد بلز جمع کرانے میں نا صرف آسانی ہوگی بلکہ پبلک فنڈز کے استعمال میں بھی شفافیت کو یقینی بنانے میں مدد ملے گی-