کاشتکاروں کوریپرزکے بلیڈز، فورک، کراپ لفٹر، کنوئیر، پاور سسٹم،بیلٹس کی چیکنگ یقینی بنانے کی ہدایت

منگل 15 اپریل 2025 16:31

فیصل آباد (اُردو پوائنٹ اخبارتازہ ترین - اے پی پی۔ 15 اپریل2025ء) کاشتکاروں کوگندم کی کٹائی و گہائی کیلئے پیشگی ریپرز کو گیراجوں اور شیڈز سے نکال کر اچھی طرح صاف کرنے اور اس کے بلیڈز، فورک، کراپ لفٹر، کنوئیر، پاور سسٹم،بیلٹس کی چیکنگ یقینی بنانے کی ہدایت کی گئی ہے ۔نظامت زرعی اطلاعات محکمہ زراعت کے ماہرین نے کہا کہ ریپر کو اچھی طرح سے صاف کرکے ٹریکٹر کے ساتھ لگا کر کھلی جگہ پر دھوپ میں کھڑا کریں اور ٹریکٹر کو چلا کر ریپر کے پرزوں کی آواز و حالت کو چیک کرلیں نیز جو پرزے زنگ آلود ہو چکے ہوں انہیں مٹی کے تیل سے اچھی طرح صاف کرلیں اور جو پرزے ٹوٹے ہوئے ہوں یا موجود نہ ہوں ان کی جگہ نئے پرزے لگا لیں۔

اگر کٹر کے بلیڈ تیز نہ ہوں تو ان کو اچھی طرح تیز کروا لیں تاکہ گندم کی کٹائی کے دوران دانوں کو نقصان نہ پہنچ سکے نیزاگر بلیڈ بہت زیادہ گھس چکے ہوں تو اس ضمن میں کوتاہی نہ کریں کیونکہ گھسے ہوئے بلیڈ گندم کی کٹائی ٹھیک طرح سے نہیں کرتے اور کٹائی کے وقت گندم کے دانے بالیوں سے نکل کر ضائع ہو جاتے ہیں اس لئے فوری نئے بلیڈ لگالیں۔

(جاری ہے)

انہوں نے کہاکہ کراپ لفٹر گری ہوئی فصل کو اٹھانے کےلئے انتہائی اہمیت کا حامل ہے لہٰذا ان کی درست سمت میں کسائی بھی یقینی بنانی چاہیے۔ انہوں نے کہاکہ بیلٹوں کا تناؤ مناسب، کٹر سسٹم کی الائنمنٹ و فٹنگ درست، گیئربکس کاتیل اور گریس مکمل جبکہ شافٹ کی کیز اورپلی کی فٹنگ درست ہونے سے بھی کاشتکار کو فصل کے نقصان سے بچایاجاسکتاہے۔

Facebook Twitter Google + Share on Whatsapp

کاشتکاروں کوریپرزکے بلیڈز، فورک، کراپ لفٹر، کنوئیر، پاور سسٹم،بیلٹس کی چیکنگ یقینی بنانے کی ہدایت

متعلقہ عنوان :

مزید زراعت کی خبریں