بینک الفلاح کو مالی سال کی پہلی سہہ ماہی میں 7ارب روپے کا منافع

جمعرات 17 اپریل 2025 17:21

کراچی (اُردو پوائنٹ اخبارتازہ ترین - این این آئی۔ 17 اپریل2025ء)بینک الفلاح لمیٹڈ (بی اے ایف ایل) کے بورڈ آف ڈائریکٹرز نے 17 اپریل 2025 کو منعقدہ اجلاس میں 31 مارچ 2025کو ختم ہونے والی پہلی سہہ ماہی کیلئے 7.040 ارب روپے بعد از ٹیکس منافع کا اعلان کیا ہے، جو فی حصص آمدنی (EPS) 4.46 روپے بنتی ہے۔ بورڈ آف ڈائریکٹرز نے 2.5 روپے فی حصص (25 فیصد) عبوری نقد منافع کا اعلان بھی کیا، جو گزشتہ سال کی اسی مدت میں 2.00 روپے فی حصص (20 فیصد) تھا۔

بینک نے اوسط کرنٹ ڈپازٹس میں اضافے اور بیلنس شیٹ کی مؤثر پوزیشننگ کے ذریعے پالیسی ریٹ میں گزشتہ سال کی نسبت 1000 بیسس پوائنٹس کمی کے باوجود اسپریڈ میں کمی کو محدود رکھا۔ نتیجتاً، بینک کی خالص سودی آمدنی میں سال بہ سال (YoY) 6 فیصد اضافہ ہوا۔ آمدنی میں مزید اضافہ غیر سودی آمدنی میں 13 فیصد اضافے کی بدولت ہوا، جس نے مخصوص مصنوعات کی مارکیٹ ڈائنامکس کے باعث فیس لائنز پر پڑنے والے دباؤ کو کم کیا۔

(جاری ہے)

آپریٹنگ اخراجات میں اضافہ نیٹ ورک کی توسیع، عملے کی تنخواہوں اور ترسیلات زر سے متعلق مارکیٹنگ پر بڑھتے اخراجات کی وجہ سے ہوا۔31 مارچ 2025 تک بینک کے ڈپازٹس 2.019 ٹریلین روپے پر بند ہوئے۔ بینک نے ڈپازٹس کی لاگت کو بہتر بنانے اور بغیر لاگت کرنٹ اکاؤنٹس (CA) میں اوسط اضافہ کرنے کے لیے اپنے پورٹ فولیو کو ازسرِ نو ترتیب دیا، جس کا ثبوت CA مکس میں نمایاں بہتری ہے۔

وہیں، بینک کے مجموعی قرضے 0.927 ٹریلین روپے پر آ گئے جو دسمبر 2024 کے مقابلے میں کم ہیں، جو کہ سال کے آخر میں جاری قلیل مدتی قرضوں کی میچورٹی کا نتیجہ ہے۔بینک مضبوط سرمایہ جاتی نظم و ضبط اپناتا ہے، اور 31 مارچ 2025 تک اس کا کیپیٹل ایڈی کوئسی ریشو 17.64 فیصد ہے، جو کہ ریگولیٹری اداروں کی مقرر کردہ کم از کم حد سے کہیں زیادہ ہے۔

Facebook Twitter Google + Share on Whatsapp

بینک الفلاح کو مالی سال کی پہلی سہہ ماہی میں 7ارب روپے کا منافع

مزید تجارتی خبریں