استاد بڑے غلام علی خان کی57 ویں برسی بدھ کو منائی گئی

بدھ 23 اپریل 2025 13:19

لاہور (اُردو پوائنٹ اخبارتازہ ترین - اے پی پی۔ 23 اپریل2025ء) برصغیر پاک و ہند کے عظیم موسیقار استاد بڑے غلام علی خان کی57ویں برسی 23 اپریل بدھ کو منائی گئی۔ ان کا تعلق ممتاز پٹیالہ گھرانے سے تھا۔استاد بڑے غلام علی خان 4 اپریل 1902 کو قصور میں پیدا ہوئے تھے۔

(جاری ہے)

ان کے والد علی بخش خان اور چچا کالے خان پٹیالہ گھرانے کے مشہور موسیقار کرنیل فتح علی خان کے شاگرد تھے۔استاد بڑے غلام علی خان نے موسیقی کی تعلیم اپنے والد استاد علی بخش خان اور چچا استاد کالے خان سے حاصل کی اور پھر استاد عاشق علی خان پٹیالہ والے کے شاگرد ہوگئے۔ انہوں نے اپنے فن کی بدولت کلاسیکی موسیقی کے شائقین کی توجہ حاصل کی۔استاد بڑے غلام علی 23 اپریل 1968 کو انتقال کر گئے۔