ایک کامیاب ماڈل کتنا کما لیتا ہی شہزاد نور نے بتا دیا

بدھ 23 اپریل 2025 19:37

کراچی (اُردو پوائنٹ اخبارتازہ ترین - این این آئی۔ 23 اپریل2025ء)اداکار و ماڈل شہزاد نور نے پروٹین شیک کو فراڈ قرار دیتے ہوئے کہا ہے کہ یہ صرف ایک ذہنیت ہے اس سے بڑھ کر کچھ نہیں ۔ایک پوڈ کاسٹ میں گفتگو کرتے ہوئے شہزاد نور نے کہا کہ پروٹین شیک بہت بڑا فراڈ ہے، میں بھی اس فراڈ کا حصہ بن چکا ہوں، یہ صرف ایک ذہنیت ہے اس سے بڑھ کر یہ کچھ نہیں ہے، اس میں صرف کیمیکلز ہوتے ہیں، میں نے اب ڈبہ پیک چیزیں کھانا چھوڑ دی ہیں۔

(جاری ہے)

ماڈلنگ کیریئر سے متعلق سوال کے جواب میں شہزاد نور نے بتایا کہ ماڈلنگ کیلئے پہلے بڑے قد کے افراد کو چنا جاتا تھا مگر اب ایسا نہیں ہے، اب سوشل میڈیا پر فالوونگ کی بنیاد پر بھی لوگ ماڈل بن جاتے ہیں اور برانڈز بھی انہیں بطور ایمبیسڈر رکھ لیتے ہیں۔کمائی سے متعلق سوال کے جواب میں شہزاد نور نے کہا کہ میں صرف اپنے پیشن کے لیے ماڈلنگ کر رہا ہوں، میں پیسہ نہیں دیکھتا میں صرف کام دیکھتا ہوں اور اگر پیسوں کی بات کی جائے تو آپ ماڈل بنیں تو پیسے آ ہی جاتے ہیں۔انہوں نے کہاکہ ماڈلنگ کے بعد آپ ڈرامے اور فلمیں کر کے بھی پیسے کما سکتے ہیں۔