انگلینڈ اور ویسٹ انڈیز کے درمیان ون ڈے سیریز کا پہلا میچ 29مئی کو کھیلا جائے گا

پیر 12 مئی 2025 19:53

لندن(اُردو پوائنٹ اخبارتازہ ترین - آن لائن۔ 12 مئی2025ء) انگلینڈ اینڈ ویلز کرکٹ بورڈ (ای سی بی )کے اعلامیے کے مطابق ویسٹ انڈیز کی مردوں کی قومی کرکٹ ٹیم رواں ماہ انگلینڈ کا دورہ کرے گی اور میزبان ٹیم کے خلاف 3ون ڈے اور تین ٹی ٹونٹی بین الاقوامی میچوں کی سیریز کھیلے گی۔انگلینڈ اور ویسٹ انڈیز کی ٹیموں کے درمیان 3 ون ڈے کرکٹ میچوں کی سیریز کا آغاز 29 مئی کو پہلے میچ سے ہوگا ،یہ میچ ایجبسٹن،برمنگھم میں کھیلا جائے گا، دوسرا ون ڈے میچ یکم جون کو صوفیہ گارڈنز،کارڈف میں کھیلا جائے گاجبکہ تیسرا اور آخری ون ڈے میچ 3جون کو کیننگٹن اوول، لندن میں کھیلا جائے گا۔

تین ون ڈے میچوں کی سیریز کا پہلا اور تیسرا میچ ڈے اینڈ نائٹ ہوں گے اور فلڈ لائٹس میں کھیلے جائیں گیجبکہ سیریز کا دوسرا میچ ڈے ہوگا۔

(جاری ہے)

ون ڈے سیریز مکمل ہونے کے بعد ویسٹ انڈیز کی ٹیم چیسٹر لی سٹریٹ پہنچے گی جہاں وہ میزبان انگلینڈ کے خلاف تین ٹی ٹونٹی میچوں کی سیریز کا پہلا میچ 6جون کو کھیلے گی اور یہ میچ چیسٹر لی سٹریٹ میں کھیلا جائے گا۔دونوں ٹیموں کے درمیان تین ٹی ٹونٹی میچوں کی سیریز کا دوسرا میچ 8 جون کو کائونٹی گرائونڈ، برسٹل میں جبکہ تیسرا اور آخری ٹی ٹونٹی میچ 10جون کو دی روز بائول ،سائوتھمپٹن میں کھیلا جائے گا۔ تین ٹی ٹونٹی میچز کی سیریز کا پہلا اور تیسرا میچ نائٹ ہوگا جبکہ دوسرا ٹی ٹونٹی میچ ڈے ہوگا۔