پاکستان میں ہر ٹی وی چینل پر ایک جیسے ڈرامے بن رہے ہیں،سید احمد

ساس، سسر، دیور بھابھی اور ایسے متعدد مقدس رشتوں کو غلط انداز سے پیش کیا جا رہا ہے،انٹرویو

ہفتہ 17 مئی 2025 11:00

کراچی(اُردو پوائنٹ اخبارتازہ ترین - این این آئی۔ 17 مئی2025ء)معروف ڈراما نویس اور سینئر اداکار سید محمد احمد نے پاکستانی ڈراموں میں گرتے ہوئے معیار پر تشویش اور افسوس کا اظہار کیا ہے۔ اپنے ایک حالیہ انٹرویو میں محمد احمد نے کہا کہ ڈراما کسی اور چیز کا نام ہے، آج کل ہماری انڈسٹری میں جو بن رہے ہیں وہ ڈراما نہیں ہیں۔سید احمد نے کہا کہ جو چینل لگاؤ، ہر جگہ ایک ہی جیسے ڈرامے چل رہے ہیں، شائقین بھی تنگ آچکے ہیں۔

(جاری ہے)

انہوںنے کہاکہ اگر کسی وجہ سے کوئی ڈراما کامیاب ہوگیا تو اس کا یہ مطلب نہیں کہ اس جیسے ہی ڈرامے بنائے جاتے رہیں۔انھوں نے آج کل ڈراموں میں دکھائے جانے والے کرداروں پر بھی تنقید کرتے ہوئے کہاکہ ساس، سسر، دیور بھابھی اور ایسے متعدد مقدس رشتوں کو غلط انداز سے پیش کیا جا رہا ہے۔سید احمد نے ڈرامے لکھنے چھوڑ کر اداکاری کی جانب آنے کے بارے میں پوچھے گئے سوال کے جواب میں کہا کہ اب کسی کو اچھی کہانیوں کی ضرورت نہیں،پیٹ پالنا ہے اس لیے اداکاری شروع کردی۔

Facebook Twitter Google + Share on Whatsapp

پاکستان میں ہر ٹی وی چینل پر ایک جیسے ڈرامے بن رہے ہیں،سید احمد

ساس، سسر، دیور بھابھی اور ایسے متعدد مقدس رشتوں کو غلط انداز سے پیش کیا جا رہا ہے،انٹرویو

مزید فن و فنکار کی خبریں