جنت مرزا نے بریک اپ کے بعد موو آن کرنے کا آسان طریقہ بتادیا

ہفتہ 17 مئی 2025 11:00

لاہور(اُردو پوائنٹ اخبارتازہ ترین - این این آئی۔ 17 مئی2025ء)ڈیجیٹل میڈیا کی نامور مواد تخلیق کار جنت مرزا نے بریک اپ ہو جانے کے بعد ماضی کی تلخ یادوں کو بھلانے کا آسان طریقہ بتایا۔پاکستانی اداکارہ و ماڈل جنت مرزا نے حال ہی میں اپنے سوشل میڈیا اکاؤنٹ انسٹاگرام پر ایک ویڈیو شیئر کی۔ اس ویڈیو کے آغاز میں اداکارہ نے خود کو لو گرو قرار دیا۔

(جاری ہے)

جنت مرزا نے مداحوں کو مخاطب کرتے ہوئے کہاکہ اگر کوئی آپ کو دھوکا دیتا ہے یا آپ کے ساتھ کسی بھی معاملے میں برا برتا کرتا ہے تو سب سے پہلے آپ اسے دل سے معاف کردیں، اگر آپ نے معاف نہیں کیا تو آپ زندگی میں کبھی ذہنی طور پر آگے نہیں بڑھ پائیں گے۔اداکارہ نے کہا کہ یہ بالکل حقیقت ہے۔حضرت علیؓ کے قول کا حوالہ دیتے ہوئے اداکارہ نے کہا کہ آزمائے ہوئے انسان کو دوبارہ نہیں آزمانا چاہیے۔ جنت مرزا نے مداحوں و صارفین کو مشورہ دیتے ہوئے کہا کہ اگر آپ زندگی میں موو آن کرنا چاہتے ہیں تو جس نے بھی آپ کا دل دکھایا ہے تو اسے معاف کر دیں۔