حج سیزن میں ٹریفک رہنمائی کے لیے چھ انٹرایکٹو نقشے جاری

عازمین نقشوں سے بھرپور فائدہ اٹھائیں تاکہ اپنے اوقات کو بہتر انداز میں ترتیب دے سکیں،حکام

پیر 26 مئی 2025 15:44

مکہ مکرمہ (اُردو پوائنٹ اخبارتازہ ترین - این این آئی۔ 26 مئی2025ء)حج کے دوران عازمین کی آسانی کے لییسعودی عرب کی سکیورٹی فورسز برائے ٹریفک امورنے چھ انٹرایکٹو نقشے جاری کر دیے ہیں، جن کے ذریعے راستوں اور سمتوں کی تفصیلات بآسانی معلوم کی جا سکتی ہیں۔

(جاری ہے)

میڈیارپورٹس کے مطابق جاری کیے گئے نقشوں میں مکہ مکرمہ اور مقدس مقامات کا نقشہ، مسجد الحرام اور اس کے گرد و نواح کا نقشہ، منی، مزدلفہ اور عرفات کے مخصوص نقشے شامل ہیں۔

حج سکیورٹی فورسزنے حجاج کرام سے اپیل کی ہے کہ وہ ان نقشوں سے بھرپور فائدہ اٹھائیں تاکہ اپنے سفری راستے، روانگی، قیام اور واپسی کے اوقات کو بہتر انداز میں ترتیب دے سکیں۔یہ اقدام حج و عمرہ کے سکیورٹی اداروں کی جانب سے حجاج کی نقل و حرکت میں آسانی پیدا کرنے اور انہیں اعلی ترین سہولیات فراہم کرنے کے سعودی حکومت کے عزم کا حصہ ہے۔