متحدہ عرب امارات میں نرسری اور کے جی میں عربی زبان کی تعلیم لازمی قرار

منگل 10 جون 2025 08:20

دبئی (اُردو پوائنٹ اخبارتازہ ترین - اے پی پی۔ 10 جون2025ء) متحدہ عرب امارت میں نرسری اور کے جی کے طلبا کے لیے عربی زبان کی تعلیم لازمی ہوگی نئی پالیسی کا اطلاق تمام نجی سکولوں پر ہوگا۔

(جاری ہے)

وام کے مطابق ابوظبی ایجوکیشن اتھارٹی نے ایک نئی پالیسی جاری کی ہے جس کے تحت پرائیویٹ اور ایجوکیشنل پارٹنر شپ سکولوں کو موسم خزاں 2025 سے پری کنڈرگارٹن سے کے جی 2 تک ہر ہفتے چار گھنٹے (240 منٹ )عربی زبان کی تعلیم کےلیے مختص کرنا ہوں گے۔

آئندہ تعلیمی سیشن میں عربی زبان کی تعلیم کا وقت بڑھا کر پانچ گھنٹے (300 منٹ) کر دیا جائے گا۔محکمہ تعلیم وعلم ابوظبی (ایڈیک) کی پالیسی کا مقصد اس بات کو یقینی بنانا ہے ہے کہ ہر بچہ، خواہ عربی اس کی مادری زبان ہو یا وہ پہلی مرتبہ یہ زبان سیکھ رہا ہو، زبان سیکھنے کے اس اہم مرحلے پر معیاری اور یکساں تعلیم حاصل کرے۔