این اے 126 میں ملک سیف الملوک کھوکھر کی کامیابی برقرار، سمیع اللہ خان کیخلاف انتخابی عذر داری کی درخواست خارج

جمعرات 12 جون 2025 13:07

لاہور (اُردو پوائنٹ اخبارتازہ ترین - اے پی پی۔ 12 جون2025ء) الیکشن ٹربیونل لاہور نے لاہور کے حلقہ این اے 126 میں مسلم لیگ ن کے رہنما ملک سیف الملوک کھوکھر کی کامیابی کے خلاف پی ٹی آئی کے حمایت یافتہ امیدوار توفیق عباس کی درخواست مسترد کرتے ہوئے کامیابی کو درست قرار دے دیا۔

(جاری ہے)

جسٹس سلطان تنویر نے بطور الیکشن ٹربیونل فریقین کے وکلا کے دلائل سننے کے بعد فیصلہ محفوظ کیا تھا، جو جمعرات کو سنا دیا گیا۔علاوہ ازیں الیکشن ٹربیونل پنجاب اسمبلی کے حلقہ پی پی 145 سے مسلم لیگ (ن) کے سمیع اللہ خان کی کامیابی برقرار رکھتے ہوئے رکن صوبائی اسمبلی سمیع اللہ خان کی کامیابی کے خلاف پی ٹی آئی کے امیدوار محمد یاسر کی درخواست مسترد کر دی۔