کویتی وزارت تعلیم نے خطے میں کشیدگی کے باعث 90 ایمرجنسی شیلٹرز تیار کرلیے

پیر 16 جون 2025 08:50

کویت سٹی (اُردو پوائنٹ اخبارتازہ ترین - اے پی پی۔ 16 جون2025ء) کویت کی وزارت تعلیم نے خطے میں بڑھتی ہوئی عسکری کشیدگی کے سبب مختلف مقامات پر ہنگامی حالات سے نمٹنے کے لیے 90 ایمرجنسی شیلٹرز تیار کیے ہیں۔کویتی خبر رساں ایجنسی کونا کے مطابق کویتی وزارت تعلیم کی جانب سے جاری بیان میں کہا گیا ہے کہ یہ اقدام طلبا کے تحفظ اور تعلیمی عمل کے تسلسل کو یقینی بنانے کی کوششوں کا حصہ ہے۔

(جاری ہے)

وزارت نے بیان میں کہا روزانہ کی بنیاد پر متعلقہ اداروں اور حکام کے ساتھ مل کر روازنہ صورتحا ل کی مانیٹرنگ کی جار ہی ہے تاکہ احتیاطی تدابیر اختیار کی جائیں۔کویتی وزارت تعلیم نے جو 90 شیلٹرز تیار کیے ہیں شہری دفاع کی ٹیمیں ان کا باقاعدہ معائنہ کرتی ہیں تاکہ کسی بھی کمی کو فوری طورپر پورا کیا جاسکے۔ وزارت نے کہا کہ تعلیمی اداروں کے لیے ریپیڈ ایکشن فورس کو بھی الرٹ کردیا گیا ہے تاکہ کسی بھی ہنگامی صورتحال میں امتحانات کے دوران طلبا کی سلامتی کو یقینی بنایا جاسکے۔وزارت نے یقین دلایا کہ بارویں جماعت کے دوسرے سمسٹر کے امتحانات جاری رہیں گے اور شیڈول میں کوئی تبدیلی نہیں کی جائے گی۔

Facebook Twitter Google + Share on Whatsapp

کویتی وزارت تعلیم نے خطے میں کشیدگی کے باعث 90 ایمرجنسی شیلٹرز تیار کرلیے

متعلقہ عنوان :

مزید بین الاقوامی خبریں