پسرور، لائیوسٹاک فارمرز کوموسم کی تبدیلی کے باعث جانوروں کا بروقت تشخیصی معائنہ کروانے کی ہدایت

پیر 16 جون 2025 15:34

سیالکوٹ (اُردو پوائنٹ اخبارتازہ ترین - اے پی پی۔ 16 جون2025ء) محکمہ لائیوسٹاک و ڈیری ڈویلپمنٹ نے مویشی پال حضرات و لائیوسٹاک فارمرز کوموسم کی تبدیلی کے باعث گائے اور بھینسوں کو جنسی بیماریوں سے بچانے کے لئے ان کا بروقت تشخیصی معائنہ کروانے کی ہدایت کی ہے۔

(جاری ہے)

اسسٹنٹ ڈائریکٹر محکمہ لائیو سٹاک و ڈیری ڈویلپمنٹ پسرور ڈاکٹر عقیل سہیل نے کہا ہے کہ موسم کی تبدیلی کے باعث جانوروں کو منہ کھر کی بیماری سے بچانے کے لئے خشک اور سایہ و ہوا دار جگہ پر باندھیں ، خا صطور پر دودھ و گوشت کی پیداوار والے جانوروں کے لئے ماہرین لائیوسٹاک کےمشوروں پر عمل درآمد کیا جائے تاکہ کسی بھی پریشانی سے بچا جاسکے ۔

جانوروں کو دن میں 2 بار نہلایا جائے اور شیڈز کی صفائی کا خاص خیال رکھا جائے ۔انہوں نے بتایا کہ اس ضمن میں محکمے کی فری ہیلپ لائن پر بھی رابطہ کیا جاسکتا ہے۔