لوئردیر، کباڑ کی دکان میں دھماکہ، دو افراد جاں بحق، تین زخمی

ہفتہ 28 جون 2025 16:47

لوئردیر(اُردو پوائنٹ اخبارتازہ ترین - این این آئی۔ 28 جون2025ء)لوئر دیر کے علاقے خال مارکیٹ میں واقع ایک کباڑ کے گودام میں اچانک دھماکہ ہوا جس کے نتیجے میں دو افراد جاں بحق جبکہ تین زخمی ہو گئے۔ ریسکیو 1122کے مطابق دھماکے کے فوراً بعد امدادی کارروائیاں شروع کر دی گئیں اور لاشوں و زخمیوں کو فوری طور پر آر ایچ سی خال ہسپتال منتقل کیاگیا۔

(جاری ہے)

ریسکیو ذرائع کے مطابق شدید زخمی افراد کو بہتر طبی سہولیات کی فراہمی کیلئے تیمرگرہ ہسپتال منتقل کردیاگیا۔

دھماکے کی نوعیت تاحال معلوم نہیں ہو سکی تاہم ریسکیو ٹیموںنے جائے وقوعہ پر پہنچ کرواقعے کا جائزہ لیااورشواہدجمع کئے۔ریسکیو 1122کے ترجمان نے بتایا کہ گودام میں دھماکے کی وجوہات جاننے کے لیے متعلقہ ادارے تحقیقات کر رہے ہیں۔ واقعے کے بعد علاقے میں خوف و ہراس پھیل گیا ہے جبکہ سکیورٹی اداروں نے علاقے کو گھیرے میں لے کر مزید شواہد اکٹھے کرنا شروع کر دیے ہیں۔