
سینیٹر محمد اورنگزیب کی زیر صدارت وفاقی محکموں کی رائٹ سائزنگ سے متعلق کابینہ کمیٹی کا اجلاس ، وزارت ریلوے اور وزارتِ بحری امور کا جائزہ لیا
ْحکومت ایک زیادہ ذمہ دار، نتائج پر مبنی اور عوام دوست انتظامی ڈھانچے کی تشکیل کیلئے پرعزم ، ہر وزارت ، محکمہ اپنے فرائض و دائرہ کار کو واضح اہداف اور قابل پیمائش کارکردگی کے اشاریوں کے ساتھ ہم آہنگ کرے،وفاقی وزیرخزانہ
پیر 7 جولائی 2025 22:20
(جاری ہے)
کمیٹی نے سفیر خصوصی سلمان احمد کی زیر صدارت سب کمیٹی کی جانب سے وزارتِ ریلوے کے بارے میں پیش کی گئی سفارشات کا جائزہ لیا۔ ان سفارشات میں ادارہ جاتی ڈھانچے کو بہتر بنانے، انسانی وسائل کی تقسیم کو منطقی انداز میں ترتیب دینے اور قومی ترجیحات کے مطابق محکماتی افعال کو ہم آہنگ کرنے پر زور دیا گیا تاکہ کارکردگی میں بہتری لائی جا سکے۔
اجلاس میں وزارتِ بحری امور سے متعلق تعارفی سیشن بھی منعقد ہوا جس میں وزارت کی کارکردگی، جاری رد و بدل کی کوششوں، اور ان کے عوامی پالیسی و سروس ڈیلیوری پر اثرات کا جائزہ پیش کیا گیا۔ اس پریزنٹیشن میں وزارت کے ماتحت اداروں کی کارکردگی، ادارہ جاتی بہتری کے لئے مجوزہ اقدامات، تکرار کے خاتمے اور محدود وسائل میں بہتر نتائج حاصل کرنے کی حکمت عملی پر روشنی ڈالی گئی۔سینیٹر محمد اورنگزیب نے اپنے خطاب میں کہا کہ رائٹ سائزنگ صرف اخراجات کم کرنے کا عمل نہیں بلکہ یہ ایک سٹریٹجک اصلاحاتی اقدام ہے جس کا مقصد سرکاری شعبے کی استعداد کار کو بہتر بنانا، احتساب کو مضبوط کرنا اور عوام کو بہتر خدمات فراہم کرنا ہے۔انہوں نے کہا کہ ہر وزارت اور محکمہ اپنے فرائض و دائرہ کار کو واضح اہداف اور قابل پیمائش کارکردگی کے اشاریوں کے ساتھ ہم آہنگ کرے تاکہ عوامی وسائل کا موثر استعمال ممکن بنایا جا سکے۔وزیر خزانہ نے سرکاری شعبے میں وسیع تر اصلاحاتی ایجنڈے پر زور دیتے ہوئے کہا کہ حکومت ایک زیادہ ذمہ دار، نتائج پر مبنی اور عوام دوست انتظامی ڈھانچے کی تشکیل کیلئے پرعزم ہے اور کابینہ کمیٹی اس سمت میں اپنی مشاورت اور کوششیں جاری رکھے گی۔انہوں نے سب کمیٹی کی کوششوں کو سراہا اور تمام وزارتوں پر زور دیا کہ وہ اس عمل میں سرگرمی سے حصہ لیں اور اس بات کو یقینی بنائیں کہ شفاف جائزہ اور شواہد کی بنیاد پر فیصلے اس اصلاحاتی عمل کی بنیاد رہیں گے۔اجلاس میں متعلقہ وزارتوں سے مشاورت کے بعد آئندہ کے جائزوں اور قابلِ عمل منصوبوں کی تیاری کی ہدایت کی گئی۔متعلقہ عنوان :
مزید قومی خبریں
-
علاقے کلیئر ہوگئے تھے تو دہشت گردوں کو واپس کون لایا ، سہیل آفریدی
-
پاک افغان کشیدگی میں دونوں ممالک کا جانی و مالی نقصان ہورہا ہے، بیرسٹر سیف
-
کپاس کی پیداوار میں مزید کمی کا خدشہ
-
سپریم جوڈیشل کونسل کی ججز کے کوڈ آف کنڈکٹ میں اہم ترمیم، میڈیا پر بات کرنے پر پابندی
-
پاکستان اور چین کے تعلقات سات دہائیوں پر محیط ایک لازوال دوستی کی مثال ہیں، مجتبیٰ شجاع الرحمن
-
کوہستان کرپشن سکینڈل ،مرکزی ملزم ہسپتال سے ڈسچارج ہوتے ہی اہلیہ سمیت گرفتار
-
ساہیوال، شادی تقریب میں ڈانس ،پولیس کا چھاپہ ، دو گرفتار، دو فرار
-
پنجاب بھر میں دفعہ 144 کے نفاذ میں سات روز کی توسیع
-
وزیر صحت و آبادی خواجہ عمران نذیر کا پنجاب انسٹیٹیوٹ آف کارڈیالوجی کا اچانک دورہ
-
پنجاب بلدیاتی انتخابات،پی ٹی آئی کے میدان سے باہر ہونے کا خدشہ
-
ساہیوال کول پاورپراجیکٹ کا اپنے ملازم کی پیشہ ورانہ ترقی میں اہم کردار
-
پاکستان پیپلز پارٹی کی نائب صدر اور سینیٹر شیری رحمان کا کارساز حملے کی 18 ویں برسی پر شہدا کو خراج عقیدت پیش
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2025, UrduPoint Network
All rights of the publication are reserved by UrduPoint.com. Reproduction without proper consent is not allowed.