غیرقانونی چھوٹی کشتیوں میں آنیوالوں کو واپس بھیجیں گے،برطانیہ

صرف حقیقی پناہ گزینوں کو قبول کریں گے،برطانیہ اور فرانس میں معاہدہ طے پا گیا

جمعہ 11 جولائی 2025 15:36

لندن (اُردو پوائنٹ اخبارتازہ ترین - این این آئی۔ 11 جولائی2025ء)چھوٹی کشتیوں کے ذریعے آنے والے غیر قانونی تارکینِ وطن سے نمٹنے کے لیے برطانیہ اور فرانس میں معاہدہ طے پا گیا۔

(جاری ہے)

برطانیہ کے وزیرِ اعظم سر کئیر اسٹارمر نے کہا کہ چھوٹی کشتیوں کے ذریعے آنے والوں کو گرفتار کر کے مختصر ترتیب میں واپس بھیجا جائے گا۔انہوں نے مزید کہا کہ صرف حقیقی پناہ گزینوں کو قبول کریں گے۔دوسری جانب فرانس کے صدر میکرون نے کہا کہ نارتھ ووڈ ڈیکلریشن پر دستخط کے بعد برطانیہ اور فرانس پہلی بار جوہری ڈیٹرنٹس کو مربوط کر سکیں گے۔ان کا کہنا تھا کہ ہمارے مخالفین کو اب علم ہوگا کہ کسی پر حملے کا جواب دونوں ممالک دیں گے۔