آسٹریلیا کی ٹیم ویسٹ انڈیز کے خلاف ٹیسٹ میچ کے پہلے روز اپنی پہلی اننگز میں 225 رنز بنا کر پویلین لوٹ گئی

پیر 14 جولائی 2025 12:17

کنگسٹن(اُردو پوائنٹ اخبارتازہ ترین - این این آئی۔ 14 جولائی2025ء)آسٹریلیا کی ٹیم ویسٹ انڈیز کے خلاف ٹیسٹ میچ کے پہلے روز اپنی پہلی اننگز میں 225 رنز بنا کر پویلین لوٹ گئی۔ سبائنا پارک، کنگسٹن میں کھیلے جا رہے میچ میں آسٹریلیا نے ٹاس جیت کر پہلے بیٹنگ کا فیصلہ کیا تاہم ویسٹ انڈیز کے باؤلرز نے شاندار کارکردگی دکھاتے ہوئے مہمان ٹیم کو سنبھلنے نہ دیا۔

(جاری ہے)

آسٹریلیا کی جانب سے سٹیون سمتھ 48 اور کیمرون گرین 46 رنز کے ساتھ نمایاں بیٹر رہے۔ عثمان خواجہ 23، کپتان پیٹ کمنز 24، تریوس ہیڈ 20، ایلیکس کیری 21، سیم کونسٹاس 17، بیو ویبسٹر 1، جوش ہیزل ووڈ 4 اور مچل سٹارک بغیر کوئی رن بنائے آؤٹ ہوئے۔ویسٹ انڈیز کی جانب سے شمر جوزف نے شاندار باؤلنگ کا مظاہرہ کرتے ہوئے 4 کھلاڑیوں کو پویلین کی راہ دکھائی۔ جیڈن سیلز اور جسٹن گریوز نے بھی متاثر کن کارکردگی دکھاتے ہوئے 3، 3 وکٹیں حاصل کیں۔ جواب میں ویسٹ انڈیز نے دن کے اختتام تک ایک وکٹ کے نقصان پر 16 رنز بنا لیے۔

Facebook Twitter Google + Share on Whatsapp

آسٹریلیا کی ٹیم ویسٹ انڈیز کے خلاف ٹیسٹ میچ کے پہلے روز اپنی پہلی اننگز میں 225 رنز بنا کر پویلین لوٹ گئی

متعلقہ عنوان :

مزید کھیلوں کی خبریں