کم عمری میں ہراساں ہونے کا خوفناک تجربہ کرچکی ہوں

پاکستانی ڈراما انڈسٹری کی اداکارہ ماہا حسن کا انکشاف

پیر 14 جولائی 2025 21:37

کراچی(اُردو پوائنٹ اخبارتازہ ترین - آن لائن۔ 14 جولائی2025ء)پاکستانی ڈراما انڈسٹری کی اداکارہ ماہا حسن نے انکشاف کیا ہے کہ وہ بھی کم عمری میں ہراساں ہونے کا خوفناک تجربہ کرچکی ہیں۔عشقیہ ، نند، سفر تمام ہوا اور یونہی جیسے ڈراموں میں اپنی اداکاری سے لاکھوں لوگوں کو محظوظ کرنے والی اداکارہ ماہا حسن نے حال ہی میں ایک انٹرویو میں اپنی زندگی کے ایک تاریک اور تکلیف دہ واقعے کے بارے میں بات کرکے سب کی توجہ حاصل کرلی۔

دوران گفتگو مہمان اور میزبان کے درمیان کئی دلچسپ پہلو پر گفتگو ہوئی تاہم جب بچوں کے ہراساں کیے جانے کا سوال سامنے آیاتو اداکارہ ماہا حسن نے بھی خود سے متعلق تہلکہ خیز انکشاف کردیا۔اداکارہ بتاتی ہیں کہ انہوں نے بھی بہت کم عمری میں ہراسانی کا سامنا کیا ہے اور یہ تجربہ نہ صرف ان کے لیے خوفناک تھا بلکہ اس نے ان کی سوچ، ایمان، اور اقدار کو بھی بری طرح متاثر کیا۔

(جاری ہے)

اداکارہ نے کسی کا نام لیے بغیر، اور کوئی بھی ہنٹ دیے بغیر اس واقعہ کو ایک راز رکھتے ہوئے بتایا کہ، جب میں چھوٹی تھی تو مجھ سے غلط انداز میں بات کی گئی، مجھے نامناسب انداز میں چھوا گیا۔ اس وقت مجھے اتنی سمجھ بھی نہ تھی یہ سب غلط ہے۔ماہا نے بتایا کہ، مجھے اس وقت اس شخص کے خلاف ایف آئی آر درج کروانی تھی، لیکن اتنی سمجھ نہیں تھی اور یہی سمجھتی رہی کہ شاید یہ سب میرے ساتھ ہی ہورہا ہے۔

Facebook Twitter Google + Share on Whatsapp

کم عمری میں ہراساں ہونے کا خوفناک تجربہ کرچکی ہوں

پاکستانی ڈراما انڈسٹری کی اداکارہ ماہا حسن کا انکشاف

مزید فن و فنکار کی خبریں