اداکارہ ماہا حسن کا کم عمری میں جنسی ہراسانی کا نشانہ بننے کا انکشاف

منگل 15 جولائی 2025 16:15

کراچی(اُردو پوائنٹ اخبارتازہ ترین - این این آئی۔ 15 جولائی2025ء)پاکستانی ڈرامہ انڈسٹری کی باصلاحیت اداکارہ ماہا حسن نے کم عمری میں پیش آنے والے ہولناک تجربے پر خاموشی توڑ دی.حال ہی میں ایک انٹرویو میں اپنی زندگی کے سب سے دردناک لمحے سے پردہ اٹھاتے ہوئے اداکارہ ماہا حسن نے انکشاف کیا کہ انہیں کم عمری میں ہراسانی کا سامنا کرنا پڑا۔ ان سے بچپن میں نامناسب انداز میں بات کی گئی اور غلط انداز میں چھو کر جسمانی طور پر ہراساں کیا گیا تاہم اس وقت وہ اتنی کم عمر تھیں کہ انہیں اندازہ نہ ہو سکا کہ یہ سب کچھ غلط اور غیر اخلاقی ہے۔

ماہا نے بتایا کہ اس واقعے نے ان کی سوچ اور اقدار کو بری طرح متاثر کیا۔ ابتدا میں وہ اپنے ساتھ ہونے والے سلوک کا جواز ڈھونڈتی رہیں اور سوچتی تھیں کہ شاید اس شخص کو ذہنی علاج کی ضرورت ہے۔

(جاری ہے)

تاہم وقت گزرنے کے ساتھ انہیں احساس ہوا کہ ان کے ساتھ زیادتی ہوئی ہے۔اداکارہ نے کہاکہ انہوں نے کبھی اس شخص کیخلاف ایف آئی آر درج نہیں کروائی، جس پر آج بھی انہیں پچھتاوا ہے کہ شاید دیگر لڑکیاں بھی اس شخص کا نشانہ بنی ہوں۔ماہا حسن نے بتایا کہ اس واقعے کے بعد ان کا دین سے تعلق بھی متاثر ہوا، لیکن بعد ازاں تھراپی اور نماز کے ذریعے انہوں نے ذہنی کیفیت پر قابو پایا اور اب دوبارہ ایمان کی جانب لوٹ چکی ہیں۔

Facebook Twitter Google + Share on Whatsapp

اداکارہ ماہا حسن کا کم عمری میں جنسی ہراسانی کا نشانہ بننے کا انکشاف

متعلقہ عنوان :

مزید فن و فنکار کی خبریں