راج کمار را کی فلم’’مالک‘‘نے تہلکہ مچا دیا

فلم’’مالک‘‘نے ریلیز کے پہلے ہی دن باکس آفس پر 4.02 کروڑ روپے کمالیے فلم میں راج کمار رائو کیساتھ سابق مس ورلڈ مانوشی چھلر مرکزی کردار میں جلوہ گر ہیں

منگل 15 جولائی 2025 15:56

راج کمار را کی فلم’’مالک‘‘نے تہلکہ مچا دیا

ممبئی (اُردو پوائنٹ اخبارتازہ ترین - این این آئی۔ 15 جولائی2025ء)بالی ووڈ کے منجھے ہوائے اداکار راج کمار را کی نئی فلم’’مالک‘‘نے ریلیز کے پہلے ہی دن باکس آفس پر 4.02 کروڑ روپے کمالیے۔بھارتی میڈیا کے مطابق فلم’’مالک‘‘ ایک ایکشن تھرلر ہے جس کی کہانی 1980 کی دہائی کے الہ آباد کے پس منظر میں پیش کی گئی ہے۔فلم میں طاقت، ہوس، بقا اور وفاداری کے درمیان جکڑی ہوئی ایسی دنیا کو دکھایا گیا ہے جہاں بندوق اور لالچ کے سائے میں عروج حاصل کرنے کی قیمت چکانی پڑتی ہے۔

(جاری ہے)

فلم کی ہدایت کاری پلکیت نے کی ہے جو اس سے پہلے نیٹ فلکس کی فلم’’بھکشک‘‘سے شہرت حاصل کر چکے ہیں۔اس سے قبل پلکیت کی ہدایتکاری میں راج کمار راو ویب سیریز ’’بوس: ڈیڈ/الائیو‘‘میں کام کرچکے ہیں جو کہ انگریزوں کیخلاف ایک مزاحمتی رہنما کی بایوپک تھی۔راجکمار را، جنھوں نے اپنی فلموں’’شاہد‘‘،’’نیوٹن‘‘،’’استری‘‘اور حالیہ بایوپک’’سری کانت‘‘میں شاندار اداکاری سے شہرت کی بلندی چھوا، فلم مالک میں گینگسٹر کا کردار نبھایا ہے۔فلم مالک میں راج کمار راو کا کردار طاقت، جرم اور سیاست کے پیچیدہ راستوں سے گزر کر ایک خوفناک مقام تک پہنچتا ہے۔فلم’’مالک‘‘میں راج کمار رائو کے ساتھ سابق مس ورلڈ مانوشی چھلر بھی مرکزی کردار میں جلوہ گر ہیں۔