خیبرپختونخوا ہ کے سینیٹ کی ٹکٹ کے لیے تحریک انصاف میں بولیاں لگی ہیں ‘ عظمیٰ بخاری

ہفتہ 19 جولائی 2025 15:16

لاہور(اُردو پوائنٹ اخبارتازہ ترین - این این آئی۔ 19 جولائی2025ء) صوبائی وزیر اطلاعات و ثقافت عظمیٰ بخاری نے کہا ہے کہ خیبرپختونخوا ہ کے سینیٹ کی ٹکٹ کے لیے تحریک انصاف میں بولیاں لگی ہیں،پارٹی ورکرز ہار گئے نوٹوں کی چمک جیت گئی۔

(جاری ہے)

اپنے بیان میں انہوںنے کہاکہ تحریک انصاف کے پارٹی رہنمائوں اور کارکنوں نے خود اپنی لیڈرشپ کے پول کھول دئیے ہیں،بانی پی ٹی آئی بھی اس ہارس ٹریڈنگ میں برابر کے حصہ دارہیں،ہارس ٹریڈنگ کی مخالف جماعت سب سے بڑی ہارس ٹریڈنگ کی حمایتی ہے،کارکنوں پر اے ٹی ایمز کو ترجیح دی گئی ہے۔

انہوںنے کہا کہ تحریک انصاف میں ماریں کھانے کے لیے کارکن اورفاقتدار انجوائے کرنے کے لیے موسمی پرندے رکھے،بانی پی ٹی آئی بھی سینیٹ ٹکٹوں کی خرید وفروخت سے مکمل باخبر ہیں،مجھے تحریک انصاف کے نظریاتی ورکرز سے دلی ہمدردی ہے،خیبرپختونخوا ہ میں تحریک انصاف تیزی سے غیرمقبول ہوتی جارہی۔ انہوںنے کہا کہ پختونخوا ہ کے نوجوانوں کو بھی سمجھ آگئی تحریک انصاف نے ان کو صرف دھرنے اور احتجاجی مظاہروں میں استعمال کیا۔