لاہور، یوٹیوبر رجب بٹ کے گھر پر فائرنگ کرنیوالے 2 ملزمان گرفتار

منگل 22 جولائی 2025 22:52

لاہور(اُردو پوائنٹ اخبارتازہ ترین - این این آئی۔ 22 جولائی2025ء)لاہور میں معروف یوٹیوبر رجب بٹ کے گھر پر فائرنگ کرنے والے دو ملزمان کو گرفتار کر لیا گیا ہے۔چوہنگ پولیس کے مطابق فائرنگ کرنیوالے شوٹرز کی شناخت کاشف چوہان اور فرخ کے نام سے ہوئی ہے۔

(جاری ہے)

پولیس نے کہاکہ دونوں ملزمان نے شانی ٹائیگر نامی شخص کے کہنے پر رجب بٹ کے گھر فائرنگ کی تھی، رجب بٹ کی سوشل میڈیا پر شہزاد بھٹی نامی نوجوان سے تلخ کلامی ہوئی تھی۔پولیس کے مطابق شہزاد بھٹی کے کہنے پر شانی ٹائیگر نے شوٹرز بھیجے۔پولیس کے مطابق گرفتار ملزمان کو مزید تفتیش کیلئے سی سی ڈی کے حوالے کر دیا گیا ہے۔