امرود کے باغبان پودوں کو پھل کی مکھی سے بچانے کیلئے مناسب دیکھ بھال کریں، لیاقت علی

جمعرات 7 اگست 2025 18:28

سمبڑیال (اُردو پوائنٹ اخبارتازہ ترین - اے پی پی۔ 07 اگست2025ء) سینئر فیلڈ انویسٹی گیٹر آفیسر محکمہ زراعت لیاقت علی نے کہا ہے کہ امرود کے باغبان پودوں کو پھل کی مکھی سے بچانے کیلئے مناسب دیکھ بھال کریں۔ ان خیالات کا اظہار انہوں نے امرود کے باغبانوں کے نام اپنے ایک پیغام میں کیا۔ انہوں نے کہا ہے کہ مون سون میں زیادہ پھل حاصل کرنے کیلئے پودوں کو نقصان رساں کیڑوں و بیماریوں کے حملے سے بچانے کیلئے فوری حفاظتی اقدامات کریں۔

(جاری ہے)

انہوں نے بتا یا کہ موسم برسات میں امرود کی گرمیوں کی فصل کو پھل کی مکھی سب سے زیادہ نقصان پہنچاتی ہے، یہ مکھی پھل کے اندر اپنا ڈنگ داخل کر کے انڈے دیتی ہے جن سے چھوٹی چھوٹی سنڈیاں پیدا ہوتی ہیں جو گودے کو کھا نا شروع کر دیتی ہیں اور پھل گل سڑ جاتا ہے۔انہوں نے امرود کے باغبانوں کو ہدایت کی کہ وہ ابتدائی علامات ظاہر ہوتے ہی فوری طور پر ماہرین زراعت یا محکمہ زراعت کے فیلڈ سٹاف کی مشاورت سے تدارکی اقدامات یقینی بنائیں تاکہ انہیں کسی مالی نقصان کا سامنا نہ کرنا پڑے۔