چین کی ماحولیاتی گورننس کی جدت طرازی اور عالمی اثرات پر تھنک ٹینک کی رپورٹ کا اجراء

اتوار 10 اگست 2025 14:40

بیجنگ (اُردو پوائنٹ اخبارتازہ ترین - اے پی پی۔ 10 اگست2025ء) چین کی ماحولیاتی گورننس کی جدت طرازی اور عالمی اثرات کے حوالہ سے جاری رپورٹ میں ماحولیاتی تحفظ اور اس کے عالمی اثرات میں چین کے جدید نقطہ نظر کی وضاحت کی گئی ہے۔ چینی میڈیا کے مطابق شنہوا نیوز ایجنسی سے وابستہ تھنک ٹینک اور ماحولیاتی تہذیب پر شی جن پنگ کی سوچ کے تحقیقی مرکز نے مشترکہ طور پر یہ رپورٹ جاری کی ہے جس کا عنوان "'سرسبز پہاڑاورشفاف پانی انمول اثاثے ہیں'ایک خوبصورت منظر کی تشکیل دیتا ہے’’حیاتیاتی تہذیبوں کی تعمیر میں چین کی جدت طرازی اور عالمی اہمیت" ہے۔

رپورٹ میں "سرسبز پہاڑاورشفاف پانی انمول اثاثے ہیں " کےتاریخی پس منظر، بنیادی سوچ اور اہمیت کا تفصیلی تعارف پیش کیا گیا ہے،نیز اس تصور کی نظریاتی جدت طرازی، چین میں اس پر عمل درآمد اور اس کی عالمی قدر کی وضاحت کی گئی ہے۔

(جاری ہے)

امریکن انسٹی ٹیوٹ آف ایکولوجیکل سولائزیشن کے نائب صدر اینڈرو شوارٹز نے ایک وڈیو پیغام میں کہا ہے کہ انسان اور فطرت کے درمیان ہم آہنگی کو فروغ دینا چین کی جدیدیت کی ایک منفرد خصوصیت بن گئی ہے۔ سرسبز پہاڑ اور شفاف پانی انمول اثاثے ہیں کے تصور میں گہری ماحولیاتی حکمت شامل ہے جو چین کی روایت فطرت اور انسان کے اتحاد سے ہم آہنگ ہے اور عالمی ماحولیاتی تہذیب میں ایک اہم کردار ادا کرتا ہے۔