برازیل ، بارودی مواد تیار کرنے والی فیکٹری میں دھماکہ ، 9 افراد ہلاک

بدھ 13 اگست 2025 17:08

برازیلیا (اُردو پوائنٹ اخبارتازہ ترین - این این آئی۔ 13 اگست2025ء)برازیل کے ریاستِ پارانا کے شہر کواترو بارس میں بارودی مواد تیار کرنے والی فیکٹری میں دھماکے کے نتیجے میں کم از کم 9 افراد ہلاک اور 7 زخمی ہو گئے۔

(جاری ہے)

شنہوا کے مطابق مقامی حکام کے مطابق، یہ دھماکہ انکس برازیل کمپنی کے صنعتی علاقے میں واقع یونٹ میں اس وقت ہوا جب ملازمین دھماکہ خیز مواد کو ایک ٹرک میں لوڈ کرنے کی تیاری کر رہے تھے۔واقعہ ریاستی دارالحکومت کیوریتیبا کے قریب پیش آیا۔کمپنی نے ایک بیان جاری کرتے ہوئے متاثرہ افراد کے ناموں کی فہرست فراہم کی، اہل خانہ سے تعزیت کا اظہار کیا اور تحقیقات میں مکمل تعاون کی یقین دہانی کروائی۔ زخمی افراد کو موقع پر ہی ابتدائی طبی امداد فراہم کی گئی۔