اے این ایف کی مختلف شہروں میں کاروائیاں، منشیات برآمد، 4 ملزمان گرفتار

اے این ایف کے مطابق کارروائیاں لاہور،اسلام آباد، لورالائی اور جامشورو میں کی گئیں

پیر 18 اگست 2025 15:12

لاہور،اسلام آباد(اُردو پوائنٹ اخبارتازہ ترین - این این آئی۔ 18 اگست2025ء)اینٹی نارکوٹکس فورس نے ملک کے مختلف شہروں میں کارروائیاں کرتے ہوئے 4 ملزمان کو گرفتار کرکے بھاری مقدار میں منشیات برآمد کرلی ہے۔

(جاری ہے)

اے این ایف کے مطابق کارروائیاں لاہور،اسلام آباد، لورالائی اور جامشورو میں کی گئیں، لاہورعلامہ اقبال ایئرپورٹ پر پارسل سے 4 کلو سے زائد ہیروئن برآمد کی گئی۔

اسلام آباد شمس کالونی میں غیر ملکی باشندے سے 181 گرام کوکین، لورالائی میں خمازہ کے قریب جھاڑیوں میں چھپائی گئی 162 کلو ہیروئن، اسلام آباد ایکسپریس وے پر ملزمان سے 6 کلو چرس اور جامشورو ٹول پلازہ پر کارروائی کے دوران بس سے 69 کلو چرس برآمد کی گئی۔ترجمان اے این ایف کے مطابق گرفتار ملزمان کے خلاف مقدمات درج کرکے تحقیقات کی جا رہی ہیں۔