کراچی، آٹزم سینٹر میں خصوصی بچے پر تشدد، خاتون اسسٹنٹ برطرف، مقدمہ درج

متاثرہ بچے کے اہلخانہ سے بھی رابطہ کیا جا رہا ہے تاکہ مکمل حقائق سامنے لائے جا سکیں، پولیس

جمعہ 3 اکتوبر 2025 15:40

کراچی، آٹزم سینٹر میں خصوصی بچے پر تشدد، خاتون اسسٹنٹ برطرف، مقدمہ ..

کراچی (اُردو پوائنٹ اخبارتازہ ترین - این این آئی۔ 03 اکتوبر2025ء)شہر قائد میں گلشن اقبال میں واقع آٹزم کیئر اینڈ ری ہیبلیٹیشن آرگنائزیشن میں افسوسناک واقعہ پیش آیا جہاں ایک خاتون اسسٹنٹ صفیہ ناز کی جانب سے دماغی کمزوری کے شکار نوعمر بچے پر تشدد کی ویڈیو سوشل میڈیا پر وائرل ہو گئی۔

(جاری ہے)

واقعے پر شدید عوامی ردعمل کے بعد ادارے نے فوری کارروائی کرتے ہوئے خاتون اسسٹنٹ کو نوکری سے برطرف کر دیا۔

ایس ایچ او گلشن اقبال نعیم راجپوت کے مطابق ادارے کے افسر کی مدعیت میں صفیہ ناز کے خلاف مقدمہ نمبر 601/2025 درج کر لیا گیا ہے، جو دفعہ 328-A، 337-A(i) اور چلڈرن پروٹیکشن ایکٹ کے تحت قائم کیا گیا ہے۔پولیس کا کہنا ہے کہ واقعے کی تفتیش جاری ہے اور متاثرہ بچے کے اہلخانہ سے بھی رابطہ کیا جا رہا ہے تاکہ مکمل حقائق سامنے لائے جا سکیں۔