سپریم کورٹ،دو لاکھ ریال کی ڈکیتی، ملزم کی درخواست ضمانت خارج

ملزم سے 80 ہزار ریال برآمد ہوچکے ہیں، جسٹس حسن رضوی کے ریمارکس

بدھ 3 ستمبر 2025 21:00

اسلام آباد (اُردو پوائنٹ اخبارتازہ ترین - این این آئی۔ 03 ستمبر2025ء)سپریم کورٹ نے دو لاکھ ریال (تقریباً ڈیڑھ کروڑ پاکستانی روپی) کی ڈکیتی کے ملزم کی درخواست ضمانت خارج کردی۔سپریم کورٹ میں 2 لاکھ ریال کی ڈکیتی کے ملزم کی درخواست ضمانت پر سماعت ہوئی، جسٹس حسن رضوی کی سربراہی میں دو رکنی بینچ نے سماعت کی۔

(جاری ہے)

ملزم کے وکیل نے مؤقف اختیار کیا کہ ملزم پر 2 لاکھ ریال کی ڈکیتی کا الزام ہے، دو گواہوں نے ملزم کی شناخت سے انکار کیا۔

جسٹس حسن رضوی نے ریمارکس دیئے کہ وہ اس لئے کہ ڈکیتوں سے متاثرین کو اپنی جان کی فکر ہوتی ہے، ملزم سے 80 ہزار ریال ریکور بھی ہوچکے۔جسٹس شہزاد ملک نے کہا کہ مدعی کی ملزم کے ساتھ کوئی دشمنی نہیں تھی کہ غلط الزام لگاتا، دشمنی ہوتی تو ایف آئی آر میں ہوتا۔سپریم کورٹ نے ڈکیتی کے ملزم شہاب الدین کی درخواست ضمانت خارج کردی۔